San Juan 6:24 - Mixtec Jamiltepec

²⁴ Tyicuan ta cha nanyehe̱ ñu tyi yori ra Jesús yucuan ta nɨ ra cachicá noo chihin ra, quɨhvɨ̱ coyo ñu chichi inga canoa cuan ta cuahan ñu nya Capernaum cuananducu ñu chi ra.

San Juan 6:24 Referans Kwoze

San Juan 6:17

Ta quɨhvɨ̱ coyo ra chichi canoa ta cuayaha sava ra mahñu miñi cuan vatyi cuchaa ra Capernaum. Cha cuñaa ta ra Jesús suri cha ta ndichi ca ra.

San Marcos 1:37

Ta cuhva cha canañihi̱ ra chi ra cacatyí ra chi ra: ―Tandɨhɨ ñáyɨvɨ nanducú ñu chuun ―cacatyí ra chi ra Jesús.

San Juan 20:15

Tyicuan ta ra Jesús ndaca̱ tuhun ra chi ña: ―¿Ñáá tuhun chacún? ¿Yóó chi nanducún? ―catyí ra chi ña. Cuñí maa ña vatyi ra sahá cumi chacu cuan cuví ra. Ta catyí ña: ―Tata, tatu yoho quehu̱n chi ra Jesús, ca̱tyi chii nya sandou̱n chi ra, vatyi naquehin chi ra ―catyí ña chi ra.

San Juan 7:11

Ta ra cacuví nuu chi ñu Israel cananducú ra chi ra vico cuan, ta cacatyí ra chi ra tahan ra: ―¿Nya nyaá ra cuan? ―catyí ra.

San Juan 6:59

Ican tuhun ihya sañaha̱ ra Jesús nu ndu ɨɨn ri ñu chichi vehe ñuhu Capernaum.

San Juan 6:23

Soco chaa̱ coyo ca canoa cha quita̱ coyo ñuu Tiberias. Chaa̱ chi yatyin ri ityi nu cachachi̱ ñu pan, yaha̱ cha nacuhva̱ Sutu Mañi yo tyahvi nyoo chi Nyoo.

San Lucas 8:40

Quɨvɨ cha nachaa̱ ra Jesús cha chaha̱n ra inga chiyo miñi cuan, cuaha xaan ñáyɨvɨ nyatú ñu chi ra. Ta sɨɨ xaan cuñí ñu vatyi nachaa̱ ra.

San Marcos 6:53

Cayaha̱ sava ra miñi cuan ta cachaa̱ coyo ra ñuu Genesaret, ta cachahñi̱ ra canoa cuan yuhu ndutya ri cuan.

San Mateo 14:34

Cha cayaha̱ sava ra miñi cuan, cachaa̱ coyo ra nu cuví Genesaret.

San Juan 6:26

Soco ra Jesús catyí ra chi ñu: ―Cha ndicha catyí chi ndo vatyi nyoho nanducú ndo chii soco cha cuenda vatyi chachi̱ ndo nyacua nya cha chitu̱ chi ndo. Soco ñima vatyi nyehe̱ ndo milagru cha sacuvi̱.