San Juan 13:19 - Mixtec Jamiltepec

¹⁹ Catyí chi ndo tuhun ihya cha ni cumañi ca chino cava tacuhva vatyi quɨvɨ nacuvi tyehe caa, chino iñi ndo tyi iquen cuví ra cha tinyaa cuatyi ndo.

San Juan 13:19 Referans Kwoze

San Juan 14:29

Ta vityin catyí tiqui chi ndo cha ni cumañi ca cuhin, tacuhva quɨvɨ cuhin, cunachino iñi ndo chii.

San Juan 16:4

Catyí tuhun ihya chi ndo tacuhva vatyi quɨvɨ chaa chi tari cuhva catyí chi ndo, nɨcohon iñi ndo vatyi cha yaha̱ catyi̱ chi ndo. ’Ña catyi̱ tuhun ihya chi ndo quɨvɨ xihna ri cha cuenda tyi nyaá que chihin ndo.

San Juan 8:58

Ta ra Jesús nacaha̱n ra ta catyí ra: ―Cha ndicha catyí chi ndo vatyi nyata ni cumañi coo ra Abraham ta cha iyó yuhu ―catyí ra Jesús chi ra.

San Mateo 24:25

Sa̱ha ndo cuenda vatyi cha yaha̱ catyi chi nyoho cha ni cumañi ca cuvi.

San Mateo 11:3

ta cacatyí ra chi ra: ―¿Atu yoho cuvún ra Cristo cha tahán chi quichi sacacu chi ndi, o cuñí chi cha cuatu ndi chi inga ra? ―cacatyí ra chi ra.

San Juan 1:15

Ta ra Juan cuan caha̱n ra tumañi iñi cuenda ra, ta catyí ra: ―Ican ra ihya cha cahi̱n tuhun quɨvɨ cuan, vatyi ra cha vachi ityi chate, cahnu ca ra cuví ra ican saha yuhu. Vatyi nyata tyembu chahnu ta cha iyó maa ra ―catyí ra Juan.

San Lucas 21:13

Tyicuan ta cuvi cahan ndo tuhin chihin ñu.

San Juan 4:26

Tyicuan ta nacaha̱n ra Jesús ta catyí ra chi ña: ―Ra cha cahún tuhun cuan, ican ra cahán chuhun ―catyí ra chi ña.

San Juan 8:28

Yucuan chaha catyi̱ ra chi ra: ―Cutyaa ndo chi ra cuví Rayɨɨ cha quichi nya gloria nu cruzi. Tyicuan ta cunacoto ndo vatyi yuhu cuví, ta cucoto ndo vatyi tyiño sahí ñima cha cuenda mai sacuví, soco cahín cha sañahá Suti chii.