Laulau Pol ei niage usino ne sou e Rom 7:7 - Laulau na Vinalu mine Salemo

⁷ Io neitou vei matina? Binea ei a sinusu oto, io? Boa vuso sele. Moni mane a binea i ma maite ete eau maido sei golu ei a sinusu, eau ma muada oto i. Binea i vei maido, “Oo ma isualale lei a golugolu mina vanunua usino.” Mane a binea i ma vei oto maido, io i ma mapigogoi ete eau na muada a inigogona mina isualena do, ei a inigogona pagu.

Laulau Pol ei niage usino ne sou e Rom 7:7 Referans Kwoze

Laulau Pol ei niage usino ne sou e Rom 3:20

Maidolo me na inigogona mina ogomulina binea “bibi tasa boa ei ma isa oto a sinusu mei muina bilesi na matane Salemo.” Binea i maiteite e eitou a sinusunusu mine eitou, seido moni.

Laulau Pol ei niage usino ne sou e Rom 4:15

Eitou muada, ilala binea ei ino, vanunua sou popope a binea, me ieli ei toe e Salemo ei sinoa ane sou. Moni mane a binea boa, de neitou ma veivei lou ve a bibi ei pope a binea.

1 Korin 15:56

Lumusu mina minate, ei a sinusu moni, ma sinusu i guale a sagalina minei na binea.

Laulau Pol ei niage usino ne sou e Rom 13:9

Eitou muada, binea ei vei maido, “Amutou ma valiputematemate lei a vanunua ma tavivine. Amutou ma paaaliali lou. Amutou ma isualale lei a golugolu mina vanunua seasea. Amutou taulalaina, amutou ma goligoli lei a inigogona sualolona.” Sou a binea li, ma binea vuso sou ino tamai, sou vuso ino lilo na inade tasa ie, “Oo no kale sele sou seasea tomane oo kale oo oto.”

Laulau Pol ei niage usino ne sou e Rom 7:8

Moni a sinusu i poge a vea na inade mina binea do, me ei mailisi a matamatana isualena na lilogu. Mane a binea boa, sinusu ni muina tomane a bibi ei matesi.

1 Tesalonaika 4:5

Me namutou ma ogomulimuli lei a masagana pagu mina sualolona tomane sou a vanunua masala sou ma muada oto e Salemo.

Laulau Pol ei niage usino ne sou e Rom 3:5

De posa matina? Mane a inigogona pagu mine eitou ei mapale muade a inigogona bilesi mine Salemo, ne eitou vei matina? Ilala Salemo ei adoliu a mapa pagu mina sinusu mine eitou, nane ei goli a inigogona i ma bilesi oto, io? Boa vuso sele. Mane Salemo ei ma ogomuli ete a inigogona bilesi taliuliu, posa matina ei mapigogoi ni vivilemuliale a inigogona mina vanunua ma tavivine vuso?

Kolosi 3:5

Maido me namutou valiputemate a inigogona vuso mina magamaga, ei ino na lilone amutou. Eau ade e sou a matana inigogona maido, sualolona, ma inigogona mumugu, ma liloilisina gunolina inigogona i pagu, ma masagana mina lilomumuguna, ma niisualena. Inigogona mina isualena do, ei a kinakana ane salemo auala.

Epesus 5:3

Amutou ma goligoli lei a inigogona sualolona, ma matana inigogona vuso i mumugu, me amutou ma isualale lei a golugolu mine sou sea. Vuna sinusu sou ieli ei ma puiale ete ane eitou a vanunua ma tavivine mine Salemo.

Laulau Pol ei niage usino ne sou e Rom 7:13

Moni matina? Nane a golu doana do i valipute eau? Boa vuso sele. Sinusu i pipigo na golu doana do me i valiputemate eau. Salemo ei itetase a sinusu i goli a matana inigogona do, vuna ei kale a sinusu ni palea muada, me neitou muada sinusu ei a golu pagu sele. Na inigogona do, binea mine Salemo i mapalemuade a inigogona ivu mina sinusu, ei mavulu me ei pagu sele.

Laulau Pol ei niage usino ne sou e Rom 7:11

vuna sinusu i poge a vea na binea me ei auala agu, me na inigogona ieli sinusu i valipute eau.

Laulau Pol ei niage usino ne sou e Rom 7:5

Ilala eitou saboa ino ogomulimuli a inigogona mina lilomumuguna, binea ei mailisi a masagana pagu na avena vuso mina vovone eitou me eitou goli a sinusu. Me na inigogona ieli eitou mapale a inigogona mina minate.

Laulau Pol ei niage usino ne sou e Rom 6:15

Eitou ma eili otosi matano na binea, maido me neitou goli a sava? Seidei eitou ino matano na dinodo mine Salemo, maido me nane ei puiale neitou goli a sinusu? Boa vuso sele.

Laulau Pol ei niage usino ne sou e Rom 4:1

Abraham ei a bibi tomane eitou, me ei e eisune eitou. Maido me neitou vei matina e ei?

Aposel 20:33

Eau ma isu oto ana silva ma gol ma malo ue golu mina bibi tasa.

Malongolongona Kubaana mine Iesu Luk ei niage 12:15

Me ei vei ane sou a vanunua ma tavivine maido, “Amutou tilale. Dae ne amutou isu a gualena matamatana golugolu. Golu tasa boa mane oo oto o isa a golugolu papaina, moni oo ma guale ete a maulina a golugolu minio sou iede.”

Matiu 5:28

Moni eau vei le amutou maido, mane sei bibi ei ite a tavine tasa mei isuale ei, a bibi iodo ei goliosi a inigogona sualolona na lilone ei.

Malongolongona Kubaana mine Iesu Luk ei niage 20:16

Ei ni asu maino mei ni toegegeli a vanunua sou pipigo na mauma iedo. Me ei ni bilii a mauma na vain iedo na vanunua sanii sea.” Vanunua sou longe a inade do, sou vei, “Ei ni ma palea oto maido.”

Laulau Pol ei niage usino ne sou e Rom 5:20

Ilala sou goligoli a sinusu, Salemo ei bilii e sou a binea. Vuna maido, Salemo ei kale ni maite e sou a sinusu mine sou. A vanunua sou goli a sinusu makuba lou, moni a dinodo mine Salemo i buo mamau sele lou.

Hibru 7:19

A binea ei ma mapigogoi ete ni toe a golu tasa i palea bilesi. Maido me Salemo ei peosi a vea tasa sea ei doana lou me ei vululusi a binea, me na vea iedo eitou mapigogoi neitou asu agavuale e Salemo.