Laulau Pol ei niage usino ne sou e Rom 16:16 - Laulau na Vinalu mine Salemo

¹⁶ Na inigogona mine eitou a vanunua ma tavivine mine Salemo, amutou vuso tastasa namutou gamumi e tamtamaine amutou. Sou a viepiluna kinaka mine Krais sou vate oaso usino ne amutou.

Laulau Pol ei niage usino ne sou e Rom 16:16 Referans Kwoze

1 Korin 16:20

Sou e tamtamaigu sou vate oaso usino ne amutou. Na inigogona mine eitou a vanunua ma tavivine mine Salemo, amutou vuso tastasa namutou gamumi e sou sea.

1 Tesalonaika 5:26

Na inigogona mine eitou a vanunua ma tavivine mine Salemo, amutou tastasa namutou vate oaso kubaana usino ne sou sanii.

2 Korin 13:12

Na inigogona mine eitou vanunua ma tavivine mine Salemo, amutou vuso tastasa ne amutou vate oaso kubaana usino ne amutou oto lilo ne Krais.

1 Pita 5:14

Amutou vuso namutou mailapulima pilu e sou a kristen sanii sea mina maitena maido amutou kale sele sou. Amutou valitole e Krais, lilone amutou ni mea moni.

Aposel 20:37

Mulimuli sou vuso sou tangitangi, me sou bingtole e Pol me sou gamumi ei.

Aposel 20:28

Namutou ulage kube amutou oto me sou a sipsip, iedolo a vanunua ma tavivine vuso mina viepiluna kinaka mine Salemo ei oli a dalane Natune ei oto, ma Maolona Nunu ei vileale amutou ne mu itealale sou a sipsip iedo.