Malongolongona Kubaana mine Iesu Mak ei niage 9:7 - Laulau na Vinalu mine Salemo

⁷ De a ausa tasa i palea mei avisobe sou. Ma tinola tasa lilona ausa do ei vei maido, “Iede ei e Natugu, eau kale mamai sele ei. Amutou longemuli a inadena.”

Malongolongona Kubaana mine Iesu Mak ei niage 9:7 Referans Kwoze

2 Pita 1:17

Salemo Tamane eitou i bilii e ei a aisa buo ma muada buo. Me Salemo oto ei ino na muada buo sele mina langi iedo me ei ade e Iesu maido, “Ielili ei e Natugu, eau kale mamai sele e ei, me eau mongemonge e ei.”

Matiu 3:17

Me na langi a tinola tasa ei ade maido, “Ielili e Natugu, eau kale sele ei. Lilogu i mongemonge sele e ei.”

Malongolongona Kubaana mine Iesu Mak ei niage 1:11

Me muata na langi a baligolu tasa ei tola maido, “Oo e Natugu. Eau kale sele oo. A lilogu ei mongemonge sele e oo.”

Inade i Ovu 1:7

“Oite, ei ni asu maino pilu a ausa,” ma “vanunua vuso ne sou ite ei a matane sou oto. Vanua sou ubi ei a lumusu sou tamai ne sou ite ei.” Me sou a abuna vanunua ma tavivine vuso mina magamaga “ne sou damutale ei, me ne sou tangi dododo sele.” E, golu ieli ni palea sele simaido. Moliana.

Hibru 2:1

Maido ma inade eitou longesi, iedo neitou lapitole obi sele me neitou ogomuli iiti, dae ne eitou patileletase.

Ioanes 20:31

Eau niage a inade ieli ve ne amutou silimuli e Iesu, ei e Krais, e Natune Salemo. Me mane amutou silimuli, ne amutou guale a maulina na aisane ei.

Ioanes 6:69

Me amiteu silimuli, me amiteu muada iiti i maido, oo moni oo a maolona bibi Salemo ei vilealesi minei oto.”

Ioanes 1:34

Me eau oto eau ite me eau veimuadesi a inade maido, iede e Natune Salemo.”

1 Ioanes 5:20

Eitou muada, Natune Salemo ei sibitalasi, mei bilii e eitou a damutatalana, ne eitou muada e Salemo ivu. Eitou valitole Salemo ivu pilu e Natuna Iesu Krais. Iesu Krais ei e Salemo ivu, me ei a vuna maulina kubaana taliuliu taliuliu.

Laulau Pol ei niage usino ne sou e Rom 1:4

Salemo i mailisi e ei na minate na sagagalina mina Maolona Nunu mine Salemo, Salemo i maite e eitou maido, ei e Natune Salemo. Ei e Iesu Krais, Bibi Taula mine eitou.

Aposel 8:36

Sulu asuasu na vea me sulu sibitala na nanu tasa. Ma bibi iedo ei vei, “Oite, a nanu ie. Me eau mapigogoi na guale a maavuvutuna?”

Aposel 7:37

“Moses iodo ei vei le sou e Israel maido, ‘Salemo ni vileale e tamaine amutou tasa a profet tomane eau oto.’

Aposel 1:9

Iesu ei pulu a inade do, ei ilisi uata na matane sou. Ma ausa i tau oovi ei, me sou ma itesi e ei.

Ioanes 19:7

Moni sou e Iuda sou adeliu ane ei maido, “Amiteu isa a binea tasa, ma binea do ei vei maido, bibi ieli ei ni mate. Vuna ei vei ve, ‘Eau e Natune Salemo.’”

Ioanes 9:35

Iesu ei longe a inade ve sou peltaselele a bibi iedo. Ma ilala Iesu ei ite lei ei, Iesu ei vei lei maido, “Oo silimuli e Natuna Bibi?”

Ioanes 5:37

Me Euma ei peltase eau usinani, ei oto ei veimuade e eau. Moni amutou ma longemuli sape ete a baligoluna. Boa vuso sele. Me amutou ma ite ete a laguna.

Ioanes 5:18

Sou e Iuda so longe a inade do me sou kale sele ne sou valiputemate e Iesu, vuna ei ma seuti ete a binea mina Maolona Malada moni, boa. Ei vei tamai maido Salemo ei e Tamane ei bilesi. Na inade ieli ei toe ei oto tomane e Salemo.

Ioanes 1:49

Nataniel ei longe a inade do me ei vei maido, “Magiligilina, oo Natune Salemo. Oo a Mapana mine sou e Israel.”

Matiu 27:54

A munuganuga pilu e sou a vanua na maubina sou ulage Iesu odo, sou ite a magamaga ei vuvule ma golugolu sou palea, me sou lae mamau sele. Me sou vei maido. “Ivu sele, bibi iede ei e Natune Salemo.”

Matiu 27:43

Ei silimuli e Salemo mei vei, ‘Eau e Natune Salemo.’ Io, mane Salemo ei kale ei, Salemo ei ni buloi e ei seidei.”

Malongolongona Kubaana mine Iesu Mak ei niage 9:6

Pita ei ma muada oto i ve ei goli sei inade, vuna sou lae sele.

Malongolongona Kubaana mine Iesu Mak ei niage 9:8

Ma tabaa oto sou a disaipel sou gegemu maisaba, me sou ma ite ete lei a bibi tasa. Iesu vululu moni ino pilu e sou.

Malongolongona Kubaana mine Iesu Luk ei niage 3:22

ma Maolona Nunu i sivo utano ne ei tomane a manu a kuau. Me maino na langi a tinola tasa i tola maido, “Oo e natugu. Eau kale sele oo. Lilogu ei mongemonge e oo.”

Ioanes 12:28

Ouma, oo no beilange a aisamu.” De a baligolu tasa i vele muata na langi maido, “Eau goliosi a aisagu i palea buo, me eau na goli lei simaido.”