Malongolongona Kubaana mine Iesu Mak ei niage 9:6 - Laulau na Vinalu mine Salemo

⁶ Pita ei ma muada oto i ve ei goli sei inade, vuna sou lae sele.

Malongolongona Kubaana mine Iesu Mak ei niage 9:6 Referans Kwoze

Inade i Ovu 1:17

Eau ite ei mea bosa agavuale a ubuna, me eau palea tomane a bibi ei matesi. Moni ei tau a limana e gata muata ne eau, me ei vei maido, “Oo ma laelae lou. Eau a munugana sele me a punuluna sele.

Malongolongona Kubaana mine Iesu Mak ei niage 9:5

Pita ei vei le Iesu maido, “Magiligilina, ei kubaana neitou muine eitou sina. Ne amiteu tige a bale na malolovina tolu, tasa minio, tasa mine Moses, me tasa mine Elaiia.”

Malongolongona Kubaana mine Iesu Mak ei niage 9:7

De a ausa tasa i palea mei avisobe sou. Ma tinola tasa lilona ausa do ei vei maido, “Iede ei e Natugu, eau kale mamai sele ei. Amutou longemuli a inadena.”

Malongolongona Kubaana mine Iesu Luk ei niage 9:33

Ma ilala sulu ne su ilisitase ei, de Pita i vei le Iesu maido, “Bibi Taula, eitou ugu nani ieli, ei kubaana. Ne amiteu tige a luma mina malolovina tolu, tasa minio, me tasa mine Moses, me tasa mine Elaiia.” Ei ma muada oto e sei matana inade ei ade.