Malongolongona Kubaana mine Iesu Mak ei niage 15:32 - Laulau na Vinalu mine Salemo

³² A bibi iedo e Krais, iedele a mapana mine Israel, ei ni veletase a tauvaleuti mei sivo utano, me ne eitou ite me neitou silimuli.” Bibi lua sou paletole sulu mina tauvaleuti agavuale Iesu, sulu tamai su adepintola ane ei.

Malongolongona Kubaana mine Iesu Mak ei niage 15:32 Referans Kwoze

Matiu 27:44

Bibi na paaalina lua sou gatitole e sulu na tauvaleuti agavuale Iesu, sulu tamai su adepintola ane ei.

2 Timoti 2:18

Sulu veletasesi a vea na adepatotona, vuna sulu adeade maido, “Ilisiliuna ei lisasi, maido me mulimuli neitou ma mapigogoi ete neitou ilisiliu lou.” Na inade ieli sou toegegeligeli a silimulina mina vanunua ma tavivine sanii.

Matiu 1:17

Maido me sou a abuna mine Abraham i asu pea ne Devit, ei a abuna savulu tasa timana iva. Me sou a abuna mine Devit i asu pea na ilala sou asu sou ugu ne Babilon, ei a abuna savulu tasa timana iva. Me soke na ilala sou peltaselele e sou e Israel usino ne Babilon pea na ilala Krais ei sibitala, sou vuso tamai odo abuna i savulu tasa timana iva.

Laulau Pol ei niage usino ne sou e Rom 3:3

Ivu, sanii sou ma ogomuli ete a inade ie. Moni posa matina? Mane sou ma silimuli ete, nane ieli ei ni toe e Salemo ni ma ogomuli ete a inade minei?

Ioanes 12:13

Maido me sou guale a lalana pam me sou pautiale ei na vea. Me sou tola maido, “Hosanna! Salemo ei ni toekube a bibi ieli ei asu usinani mina aisane Bibi Taula. Ei a mapana mine Israel.”

Ioanes 1:49

Nataniel ei longe a inade do me ei vei maido, “Magiligilina, oo Natune Salemo. Oo a Mapana mine sou e Israel.”

Malongolongona Kubaana mine Iesu Mak ei niage 15:26

Muata na letena sou niage a inade sou vavasa ane ei maido, “Mapana mine sou e Iuda.”

Matiu 27:42

“Ei buloiloi e sou a vanunua sea, moni ei ma mapigogoi ete ni buloi e ei oto. Ei a mapana mine Israel. Io ei ni sivo utano na tauvaleuti, me ne eitou silimuli e ei.

Malongolongona Kubaana mine Iesu Mak ei niage 15:27

Agavuale Iesu sou paletole a bibi lua na maubina ma paaalina. Sou paletole tasa na tauvaleuti mina limana e gata, me tasa na limana e meli.