Malongolongona Kubaana mine Iesu Mak ei niage 14:27 - Laulau na Vinalu mine Salemo

²⁷ Iesu ei vei le sou a disaipel minei maido, “Silimulina mine amutou vuso ni bosa, vuna, a Laulau mine Salemo ei isa a inade maido, “‘Eau na valipute a bibi na itealalena, me sou a sipsip ne sou oava maisaba.’

Malongolongona Kubaana mine Iesu Mak ei niage 14:27 Referans Kwoze

Ioanes 16:32

Ilala ei agaviosi mei sibitalasi ne amutou vuso mu oava maisaba usino na aubu mine amutou. Me eau na muigu vululu moni. Moni eau na ma muigu vululu oto moni, vuna Euma eili pilu e eau.

Matiu 26:31

Iesu ei vei le sou a disaipel minei maido, “Amutou namutou ite a golugolu ni palea le eau na lodo ie ma silimulina mine amutou vuso ni bosa, vuna, Laulau mine Salemo ei isa a inade maido, ‘Eau na valipute a bibi na niitealalena, me sou a sipsip ne sou oava maisaba.’

Ioanes 16:1

“Eau veiosi le amutou a inade li, vuna eau ma kale ete a silimulina mine amutou ni buale.

2 Timoti 4:16

Munugana malada eau adeliu a inade na vavasana, bibi tasa ma magili pilu oto e eau mei buloi e eau a inade. Vanunua vuso sou veletase eau. Eau kake Salemo ni ma damutaletale lei a inigogona pagu mine sou odo.

Matiu 11:6

Me sou a vanunua sou ite eau, moni silimulina mine sou ei ma bosa oto, ne sou mongemonge.”