Malongolongona Kubaana mine Iesu Mak ei niage 12:36 - Laulau na Vinalu mine Salemo

³⁶ Maolona Nunu ei bilii e Devit a damutatalana, me Devit oto i vei, ‘Bibi Taula ei vei ane Bibi Taula minau maido, “Oo ugu mina limagu e gata i mapigogoi eau na tau e sou a butu minio matano na ubumu.”’

Malongolongona Kubaana mine Iesu Mak ei niage 12:36 Referans Kwoze

Hibru 1:13

Salemo ei vei le Natuna maido, “Oo ugu na limagu e gata mapigogoi eau na tau e sou a butu minio ne sou matano moni ne oo.” Moni sei ilala Salemo ei vei a matana inade maidolo usino ne sei bineanea minei? Boa vuso sele.

1 Korin 15:25

Vuna Krais ei ni muina a mapana i asu mapigogoi Salemo ei ni taupui a butu minei vuso.

Aposel 1:16

“Amutou tamtamaigu, lisa Maolona Nunu ei goli e Devit i veipale a inade tasa, ma inade do ino na Laulau mine Salemo. Ei ade e Iudas, a bibi ei maite a vea usino ne sou a vanunua sou sautole e Iesu. Me seidei ei paleasi tomane Devit ei ade i.

2 Pita 1:21

Vuna, inade mina profet ei ma palea oto na masagana mina bibi, moni Maolona Nunu oto ei mailisi e sou a vanunua, me sou malongo a inade Salemo ei bilii e sou.

1 Pita 1:11

A Nunu mine Krais ei ino lilo na lilone sou a profet, na asene sou Nunu mine Krais ei adepalea a matamatana davutina Krais ei ni tabule me mulimuli ei ni guale a aisa buo. Me sou a profet sou tagutagu, “Sei malada a bibi na gualeliune eitou odo ei ni asu usinani?” Me “Sei golu ni palea na malada do?”

Hibru 4:7

Moni mulimuli avala makuba ei pulosi, Salemo ei vileale a malada tasa sea, me ei tole a malada do ei “Seidei” na asene Devit, tomane eitou adesi i, “Seidei mane amutou longe a baligolune ei, io namutou ma tabesobesobe lei a lilone amutou.”

2 Timoti 3:16

Nunu mine Salemo oto ei mapale a Laulau na vinalu mine Salemo, me a inade li ei matetengi e eitou mei toebilelesi a damutatalana mine eitou me ei toebilelesi a mavaana mine eitou me ei matetengi a inigogona vuso i doana.

Aposel 28:25

Sou maububi a inade balivua mine sou oto. Me Pol ei goli a inade tasa usino ne sou maido, “Maolona Nunu ei ade patotona sele usino ne selebuobuo ne eitou a asena profet e Aisaia. Ei vei maido,

Matiu 5:35

Me amutou ma ade ivu lou uata a magamaga, vuna magamaga ei a muine Salemo ei tau a ubuna muata ne ei. Me amutou ma ade ivu lou uata e Ierusalem, vuna Ierusalem ei a aubu buobuo mina Munugana Mapana.