Matiu 6:5 - Laulau na Vinalu mine Salemo

⁵ “Ilala amutou kaka, amutou ma goligoli lei tomane aualana vanua sou goligoli. Sou kale mamai sele ne sou magili me sou kaka lilo na luma na kinaka mine sou me na apulotoloto na vea buobuo, ve ne sou a vanunua ne sou ite sou. Eau vei ivu ane amutou, sou gualesi a mapane sou.

Matiu 6:5 Referans Kwoze

Matiu 6:2

“Mane oo kale no bilii a golu tasa usino ne sou a kapelabena vanua, oo no ma pusi ete a tuai muga pala ane oo tomane sou a vanua na ade iototona sou goli lilo na luma na kinaka mine amutou me na vea tamai. Sou a vanua do sou kale ne sou auala ane sou a vanunua ma tavivine, ne sou a vanunua ma tavivine sou damu sou a doanana vanua me sou beilange a aisa ne sou. Eau ade patotona sele ane amutou, sou a vanunua ieli sou gualesi a mapane sou.

Malongolongona Kubaana mine Iesu Luk ei niage 18:13

“Moni a bibi na gualena takis ei magili bulago, moni ei ma gemu oto uata na langi. Ei labe a madalona mei vei, ‘Salemo, oo no dode eau, eau a bibi na sinusu.’”

Malongolongona Kubaana mine Iesu Mak ei niage 11:25

Ilala amutou magili me mu goli a kinaka, me amutou damutale a sinusu bibi tasa ei goli le amutou, de amutou danivusetase a sinusu mina bibi iedo. Maidolo me Tamane amutou oata na langi ei ni lilotase a sinusu mine amutou.”

Malongolongona Kubaana mine Iesu Luk ei niage 20:47

Sou iotetatase sou a buasu mina paaalina golugolu mine sou, me sou aualala a gunolina kinaka i lago. Na ilala mina vavasana ne sou guale a mavaana buo mamau sele.”

Iemus 4:6

Moni e Salemo ei dode mamaimai sele eitou. Maido ma Laulau mine Salemo ei vei maido, “Salemo ei taupui a vanunua sou beilange a aisane sou oto, moni ei dodode sou a vanunua sou toebisii e sou oto.”

Malongolongona Kubaana mine Iesu Luk ei niage 18:1

Iesu ei bilii e sou a adetinovona tasa mina matetengine sou ne sou kaka taliuliu, me ne sou ma balebale lou.

Epesus 6:18

Na sagagalina mina Maolona Nunu, namutou kaka taliuliu me namutou sagali a gunolina matamatana kinaka. Taliuliu namutou ulage kube amutou me namutou kaka ane sou a vanunua ma tavivine maolo mine Salemo.

Malongolongona Kubaana mine Iesu Luk ei niage 11:43

“Amutou Parisi, mavaana buo ei ni palea le amutou. Amutou kale mamai a gualena munugana niugugu na luma mina kinaka ne amutou, me amutou kale mamai a vanunua ne sou vate oaso doana ane amutou na muina viepiluna.

Matiu 21:22

Maido me mane amutou silimuli me mu goli a kinaka, golugolu vuso amutou tagi i, iede namutou guale.”

1 Tesalonaika 5:17

me kaka taliuliu.

Ioanes 16:24

Lisa amutou ma tagu oto a golu tasa na aisagu. Ne amutou tagu, me namutou guale, ma munonge ni vonu sele na lilone amutou.

Malongolongona Kubaana mine Iesu Mak ei niage 12:38

Me Iesu ei matetengi e sou, mei vei maido, “Amutou tilale amutou e sou a vanua na muadana binea. Sou kale mamai sele ne sou kai a kinainai lagolago me ne sou asu usino usinani. Me sou kale mamai sele sou a vanunua ma tavivine ne sou vate oaso kubaana usino ne sou na muina viepiluna vuso.

Matiu 9:38

Maido me namutou kake Tamana mauma ni peltase a vanua na pipigona usino ne sou taupili a gona inani minei.”

Matiu 23:13

“Amutou a vanua na muadana binea me amutou e Parisi, mavaana buo ei ni palea le amutou. Amutou a vanua na aualana. Amutou kapi a tema na niitealalena mina langi na lagune sou a vanunua ma tavivine. Amutou oto amutou ma galigali oto ulilo. Moni ilala sou a vanunua ma tavivine sou kale ne sou gali ulilo, amutou tabesobesobe a vea ne sou.

Matiu 23:6

Vuna sou kale a gualena munugana niugugu na gona inani buo vuso, me sou a munugana muina niugugu mina luma na viepiluna.

Matiu 6:16

“Mane amutou vavae e amutou a inani, io namutou ma lagu mainiini lou tomane a vanua na ade iototona sou goligoli. Sou lagu mainiini, ve a vanunua ma tavivine ne sou muada sou vavae e sou a inani. Eau vei ivu ane amutou, sou gualesi a mapa ne sou.

Matiu 6:1

“Tilale amutou. Amutou ma goligoli lei a inigogona kubaana mine amutou na matane sou a vanunua ma tavivine, ne sou ite. Mane amutou goli maido, amutou ma mapigogoi ete ne amutou guale a mapa maino ne Tamane amutou na langi.

Matiu 23:5

“Golugolu vuso sou goli, iede sou goli mine sou a vanua ne sou ite. Sou papalepale a palakulu mina kinaka na palalane sou ue na limane sou, me sou papalepale sou a maduna mota lago na aisuna kinainai lagolago mine sou.

Malongolongona Kubaana mine Iesu Luk ei niage 6:24

“Moni e amutou a vanunua na vuvutina, mavaana buo ei ni palea le amutou. Amutou gualesi a golu mina toekubena lilone amutou.