Matiu 5:3 - Laulau na Vinalu mine Salemo

³ “Sou a vanunua ma tavivine sou muada, sou kapelabe sele na matane Salemo, ne sou mongemonge, vuna niitealalena mina langi ei mine sou.

Matiu 5:3 Referans Kwoze

Malongolongona Kubaana mine Iesu Luk ei niage 18:14

Me Iesu i vei, “Eau vei le amutou, na ilala bibi na gualena takis iedo ei veteliu usino na luma minei, ei palea a bilesina bibi na matane Salemo. Moni e Parisi iedo ei boa. Vuna maido, vanunua vuso sou beilange a aisane sou oto, Salemo ei ni taupui e sou utano. Ma vanunua vuso sou taupui e sou utano oto, Salemo ei ni beilange a aisane sou.”

Iemus 2:5

Tamtamaigu ivu, amutou longe. Sou a vanunua so kapelabe na matana vanunua mina magamaga, sou a vanunua moni iedo Salemo ei vilealesi ne sou vuvuti a silimulina. Lisa Salemo ei adegatuna maido, vanunua so kale sele ei, ei ni tau e sou na niitealalena mine Salemo.

Malongolongona Kubaana mine Iesu Luk ei niage 11:28

Moni e Iesu ei vei, “Boa, vanunua ma tavivine sou longe a inade mine Salemo me sou ogomuli, ede ne sou mongemonge.”

Matiu 11:25

Na ilala do Iesu ei vei maido, “Ouma, oo Bibi Taula na langi me na magamaga, eau vate kubaana usino minio, vuna maido oo tau oovi a golugolu iedo usino ne sou a vanunua sou isa a damutatalana doana ma muadana, me oo maite sou e selebanini moni.

Malongolongona Kubaana mine Iesu Luk ei niage 4:18

“Maolona Nunu mine Bibi Taula ei eili pilu e eau, vuna Bibi Taula ei singi a wel na letegu na malongo a malongolongona kubaana usino ne sou a kapelabe. Me ei peltase eau na veipale a malamalana usino ne sou ino na luma na tunuui, me eau na toekube sou a mata ego ne sou gemu lou. Ei peltase eau usinani mina taulelena mavaana i palea maino mine sou sanii.

Malongolongona Kubaana mine Iesu Mak ei niage 10:14

Moni Iesu ei ite maido, ma lilona i ma puiale ete. Ei vei le sou a disaipel maido, “Amutou litase selebanini usinani minau. Amutou ma matileilei lei e sou. Umana! Niitealalena mine Salemo ei mine sou a matana vanunua tomane selebanini ie.

Matiu 13:16

“Moni amutou namutou mongemonge. Matane amutou ei peo, maido me amutou iteite a malibuuna mina inade mine Salemo, ma tagilane amutou ei peo, maido me amutou guale a muadana.

Iemus 1:12

Bibi ei magili sagali mei tabule a mavaana mina tinovo vuso ei ni mongemonge. Vuna ilala ei veletase vuse a tinovo vuso, Salemo ni bilii e ei a kele mina maulina tomane a niabi minei. Iedo Salemo ei adegatunasi usino ne sou so kale sele ei.

Ioanes 20:29

Me Iesu ei vei lei maido, “O silimuli, vuna o itesi eau, io? Sou a vanunua so ma ite ete eau, moni sou silimuli, ne sou guale a maibalavana.”

Matiu 24:46

Matana bibi na pipigona maido ei ni mongemonge sele na ilala bibi buo minei i veteliu mei ite ei goli a pipigona minei maido.

Iemus 1:10

Moni a bibi ei vuvuti, ei ni mongemonge na malada Salemo taupui a aisana, vuna sou a vuvutina ne so buale tamai tomane a sesena gulugulu.

Inade i Ovu 22:14

“Vanunua ma tavivine sou loloi a kinainai mine sou, ne sou mongemonge. Sou mapigogoi ne sou guale a vuavua na obu mina biliina maulina. Me sou mapigogoi ne sou gali ulilo na tematema na aubu buobuo do.

Inade i Ovu 19:9

Ma bineanea ei vei le eau maido, “Oo niage a inade maido, ‘Sou a vanunua ma tavivine Salemo ei toleale usinani na inani taula mina taulaina mine Natuna Sipsip, ne sou mongemonge.’” Me ei vei lei le eau maido, “Inade do ei a inade patotona mine Salemo.”

Matiu 25:34

“Io mapana ei ni vei le sou a vanunua ma tavivine ino na limane ei e gata maido, ‘Amutou isa a maibalavana mine Euma. Amutou asu usinani mu guale a maulina doana Euma ei masusulu mei vilealesi mine amutou soke na ilala magamaga i palea.

Matiu 11:6

Me sou a vanunua sou ite eau, moni silimulina mine sou ei ma bosa oto, ne sou mongemonge.”

Matiu 8:11

“Me eau vei le amutou, vanunua ma tavivine makuba ne sou ilisitase a avena oaso tala i ma avena oaso solo i, ne sou asu maino me ne sou ugu pilu e Abraham, Aisak me Iekop lilo na niitealalena mina langi.

Matiu 3:2

Ei vei maido, “Amutou sauvule a lilone amutou. Niitealalena mine Salemo ei maino agaviosi.”

Matiu 19:14

Me Iesu ei vei le sou a disaipel maido, “Amutou litase selebanini ne sou asuale eau. Amutou ma matileilei lei e sou. Niitealalena mina langi ei mina matana bibi tomane selebanini ie.”

Malongolongona Kubaana mine Iesu Luk ei niage 22:29

Maido me eau bilii e amutou a niitealalena mine Salemo tomane euma ei biliiosi eau a niitealalena minei.

Malongolongona Kubaana mine Iesu Luk ei niage 22:30

Me na niitealalena mine Salemo namutou aani me mu oinu. Me namutou ugu na niugugu doana me namutou iteale sou a abuna savulu tasa timana lua mine Israel.

Inade i Ovu 3:17

Oo adeade maido, “Eau isa a vatu makuba, me eau isa a golugolu makuba i doana. Eau ma boto oto a golu tasa.” Moni boa. Oo ugu gegelu sele, mapigogoi ne sou a vanua ne sou lilomuli e oo. Oo kapelabe sele me oo mata ego me oo magili aimu moni. Me oo oto o ma muada oto a golu ie.