Matiu 25:31 - Laulau na Vinalu mine Salemo

³¹ “Ilala e Natuna Bibi ei veteliu tomane a mapana pilu a bineanea vuso, ei ni ugu na malasana niugugu a mapana minei.

Matiu 25:31 Referans Kwoze

Inade i Ovu 1:7

“Oite, ei ni asu maino pilu a ausa,” ma “vanunua vuso ne sou ite ei a matane sou oto. Vanua sou ubi ei a lumusu sou tamai ne sou ite ei.” Me sou a abuna vanunua ma tavivine vuso mina magamaga “ne sou damutale ei, me ne sou tangi dododo sele.” E, golu ieli ni palea sele simaido. Moliana.

Matiu 19:28

Me Iesu ei vei le sou maido, “Eau vei ivu ane amutou, na ilala a golugolu vuso ne sou palea alaba, me Natuna Bibi ni isa a aisa buo mei ni ugu na niugugu a mapana minei, na ilala do amutou a vanua mu ogomulimuli eau, amutou tamai namutou ugu na niugugu doana savulu tasa timana lua me mu iteale sou a abuna savulu tasa timana lua mine Israel.

Matiu 16:27

Na ilala Natuna Bibi ei ni asu usinani na malasana buo mine Tamana pilu e sou a bineanea minei, ei ni bilii a mapa ne sou a vanunua vuso i mapigogoi a inigogona sou goli.

Malongolongona Kubaana mine Iesu Mak ei niage 8:38

Me mane a bibi tasa ei maela e eau ma inadegu na malada seidei sou lametase e Salemo me sou goli a matamatana sinusu pagu, de mulimuli na ilala Natuna Bibi pilu e sou a bineanea maolo sou asu usinani pilu a aisa buo mine Tamana, ei ni maela tamai a bibi iedo.”

Iudas 1:14

Enok, ei a padiluana mine sou a tubutubune natatune Adam, me ei malongo a golugolu vuso ni palea usino na vanunua sou pagupagu iedo. Ei ade maido, “Eau ite e Bibi Taula ei asu usinani pilu a bineanea savuluvulu papaina minei.

Ioanes 1:51

Me Iesu ei vei lou ana maido, “Patotona sele eau vei le amutou, mulimuli ne amutou ite a langi ni peo, me ne amutou ite sou a bineanea mine Salemo sou asuasu uata me sou sivosivo utano ne Natuna Bibi.”

Malongolongona Kubaana mine Iesu Luk ei niage 9:26

Mane a bibi tasa i maela e eau ma inade minau, ilala Natuna Bibi asu usinani pilu a muada minei, ma muada mine Tamana me sou a bineanea maolo ei ni maela tamai a bibi iedo.

Inade i Ovu 20:11

Io eau ite a niugugu a mapana i keakea me buo ino, me eau ite a bibi ei ugu na niugugu odo. Ma magamaga pilu a langi sulu oavetase ei, me sou ino boasi.

Inade i Ovu 3:21

Mane a bibi ei vululusi a maubina, eau na longo ei ni ugu pilu e eau na niugugu a mapana minau tomane lisa eau vululusi a maubina, mea ugu pilu e Euma na niugugu a mapana minei.

Malongolongona Kubaana mine Iesu Mak ei niage 14:62

Me Iesu ei vei, “Iede eau moni. Me ne amutou ite e Natuna Bibi ni ugu na limane Salemo e gata, ei isa a sagagalina buo, mei ni asu usinani pilu a ausa na langi.”

Matiu 26:64

Me Iesu ei vei lei maido, “Seido moni, oo veiosi. Moni eau vei le amutou, mulimuli namutou ite Natuna Bibi ni ugu na lima gata mine Salemo ei isa a sagagalina buo. Me ei ni asu usinani a ausa na langi.”

Hibru 1:8

Moni ei ade e Natuna maido, “Salemo, o no muimu a mapana taliuliu taliuliu. Oo iteale a vanunua ma tavivine vuso minio na inigogona i bilesi moni.

1 Tesalonaika 4:16

Salemo ei ni ade sagali, ma munugana bineanea ei ni tola, ma tuai mine Salemo ni tatangi. Me Bibi Taula ni ilisitase a langi me ei ni sivo utano. Me sou a vanunua sou silimuli e Iesu me sou matesi, ne sou ilisiliu pala.

Aposel 1:11

Sulu vei maido, “Amutou a vanunua mine Galili, posa matina amutou magili sabubu me amutou gemugemu uata na langi? Iesu ie, seidei e Salemo i gualeliu e ei me ei asutase amutou mei asu uata na langi, ei ni veteliu lou na inigogona tasa moni tomane seidei amutou ite ei asu uata na langi.”

Malongolongona Kubaana mine Iesu Luk ei niage 22:69

Moni seidei ma ilala vuso mulimuli, Natuna Bibi ei ni ugu na lima gata mine Salemo i isa a sagalina buo.”

Matiu 25:6

“Me na lodo punosa sele sou longe a bibi tasa i tola maido, ‘Bibi taulai alaba do maino ie. Amutou vele, neitou asu to pauti e ei.’

1 Tesalonaika 3:13

Me na inigogona ieli Salemo ni toesagali a lilone amutou, me na ilala Bibi Taula mine eitou Iesu ei veteliu pilu a vanunua ma tavivine vuso minei, io ne amutou maolo, me ne amutou ma isa oto a mamauna na matane Salemo Tamane eitou. Moliana.

Hibru 9:28

Eitou muada maido, Krais tamai ei bilii e ei oto usino ne Salemo matasa moni tomane a niabi mina tabulena mavaana mina sinusunusu mina vanunua ma tavivine makuba. Me mulimuli ei ni palea maluanai, moni na ilala do ei ni ma asu oto mina tabulena sinusu. Boa. Ei ni asu usinani mina gualeliune sou a vanunua sou magitalitali e ei.