Matiu 14:29 - Laulau na Vinalu mine Salemo

²⁹ Me Iesu ei vei, “Oo asu usinani.” Io Pita ei ilisitase a bot mei asu muata na nanu usino ne Iesu.

Matiu 14:29 Referans Kwoze

Pilipai 4:13

Krais ei masagaligali eau, me na sagalina mine ei, eau mapigogoi na goli a golugolu vuso.

Malongolongona Kubaana mine Iesu Mak ei niage 9:23

Me Iesu ei vei lei maido, “Vuna i matina oo vei, ‘Mane oo mapigogoi’? Mane sei bibi ei silimuli, ei mapigogoi ni goli a golugolu vuso.”

Aposel 3:16

Amilu silimuli e Iesu, me na aisane Iesu moni bibi amutou muada ie ei palea kuba lou. Iesu oto ei mailisi a silimulina mine amilu, ma silimulina moni odo ei toekube a bibi ie ni palea kubaana sele, tomane seidei amutou ite.

Malongolongona Kubaana mine Iesu Luk ei niage 17:6

Me Bibi Taula ei vei le sou maido, “Mane amutou isa a silimulina tomane a vuana mastet alabaini sele, amutou mapigogoi namutou vei ana obu odo, ‘O ilisi pilu a aamu mo asu magili ino na dasi,’ ma obu ni longemuli a inade mine amutou.

Laulau Pol ei niage usino ne sou e Rom 4:19

Abraham ei a avalana savulu sobo tasa, ma vovona ei malailai mei matesi. Me ei muada i e Sara ei ma mapigogoi ete ni natua. Moni a silimulina minei i muina sagali, me ei ma bale oto.

Matiu 21:21

Me Iesu ei maliu a inade mine sou maido, “Eau vei ivu sele le amutou, mane amutou silimuli sele, me amutou ma isa oto a damutatalana lua, io ne amutou mapigogoi namutou goli a inigogona tasa moni tomane eau goli na obu a fik ie. Me tamai, mane amutou vei ana loena ie, ‘Oo ilisi mo seu utano na dasi,’ io a golu odo ei ni palea tomane amutou vei.

Matiu 17:20

Me ei vei le sou maido, “Silimulina mine amutou ei alabaini sele, maido me amutou ma mapigogoi ete. Eau ade ivu ane amutou, mane amutou isa a silimulina mapigogoi tomane a vuana mastet, namutou vei ana loena ie, ‘Oo ilisi mo asu usino nado,’ me ei ni asu. Golu tasa ni ma sana oto le amutou.”

Matiu 14:28

Me Pita ei maliu a inadene ei maido, “Bibi Taula, mane iede oo moni, vei le eau mea na asu muata na nanu usino minio.”

Matiu 14:30

Moni ei ite a avivili ei sagali mamau mei lae, me ei pumutu sapa utano na nanu. Maido me ei tola maido, “Bibi Taula, buloi e eau.”