Matiu 13:14 - Laulau na Vinalu mine Salemo

¹⁴ “Inade tasa mina profet e Aisaia ei palea ivu sele na vanunua ma tavivine sou ie. Ei vei maido, ‘Ne amutou longe a inade mapapaina, moni ne amutou ma muada oto a vuna. Ne amutou gemugemu mapapaina, moni ne amutou ma iteilale ete a golu tasa.

Matiu 13:14 Referans Kwoze

2 Korin 3:14

Ma damutatalana mine sou e Israel i sobo sele, ma ilala lisa pea seidei sou gi a inade mina magilipiluna lisa, sou ma mapigogoi ete ne sou muada a vuna inade sou longe do. Ei tomane a maduna malo do saboa ino, mei tabesobe a damutatalana mine sou. Bibi tasa ei ma taulele ete a malo do. Boa. Ne Krais tasa moni Salemo ei taulele a malo do.

Malongolongona Kubaana mine Iesu Luk ei niage 8:10

Me ei vei le sou maido, “Salemo ei bilii e amutou a muadana vuna inade ovu mina niitealalena mine Salemo, moni a vanunua ma tavivine sanii sou longelonge moni a adetinovona. Maido me, ‘Ne sou gemugemu, moni sou ma iteilale ete, me ne sou longe, moni sou ma muada oto i.’

Malongolongona Kubaana mine Iesu Mak ei niage 4:12

Maido me, ‘Ne sou gegemu mapapaina, moni ne sou ma iteilale ete a golu tasa. Me ne sou longe a inade taliuliu, moni ne sou ma muada oto a vuna inade, dae ne sou sauvule a lilone sou, me Salemo ei ni lilotase a sinusu mine sou.’”

Laulau Pol ei niage usino ne sou e Rom 10:16

Moni papaina ne sou a vanunua ma tavivine sou ma ogomuli ete a malongolongona kubaana. Aisaia ei vei maido, “Bibi Taula, sei silimuli a inade ieli amiteu veipalele sou?”