Matiu 11:16 - Laulau na Vinalu mine Salemo

¹⁶ “Mane eau kale na veipale a inigogona mine sou a vanunua ma tavivine mina ilala seidei, eau na goli sei matana adetinovona? Sou tomane moni e selebanini sou ugu na muina viepiluna me sou tola ane selebanini sanii maido,

Matiu 11:16 Referans Kwoze

Malongolongona Kubaana mine Iesu Luk ei niage 13:18

Me ei ade maido, “Niitealalena mine Salemo ei tomane a sava? Eau na goli sei matana adetinovona?

Malongolongona Kubaana mine Iesu Mak ei niage 4:30

Me Iesu ei vei lou maido, “Neitou vei, a niitealalena mine Salemo ei tomane a sava? Eitou neitou goli sei matana adetinovona?

Matiu 23:36

Eau ade patotona ane amutou, mapa na inigogona pagu vuso ieli, ei ni palea na abuna vanunua ma tavivine seidei sou eili ie.

Matiu 12:34

Amutou a vanunua mamau, amutou tomane a aliusu pagu. Amutou mapigogoi mu goli a inade doana matina? Bibi ei ademuadada a matana damutatalana ei vonu mina lilone ei.

Matiu 24:34

Eau ade ivu ane amutou, ilala a vanunua ma tavivine seidei ie saboa sou mate, a golugolu vuso do ei ni palea.

Matiu 11:15

Bibi ei isa a tagilana, ei ni longe a inade ie.

Matiu 11:17

‘Amiteu pusi a vivigo ve ne amutou tilia, moni e amutou ma kale ete namutou tilia. Me amiteu ale a inala mina dinodo, moni amutou ma tangitangi oto.’

Matiu 23:7

Sou kale mamai sele sou a vanunua ma tavivine ne sou vate oaso ane sou na muina viepiluna vuso, me sou kale sou a vanunua ne sou tole e sou a ‘Bibi na matetengina.’

Malongolongona Kubaana mine Iesu Mak ei niage 12:38

Me Iesu ei matetengi e sou, mei vei maido, “Amutou tilale amutou e sou a vanua na muadana binea. Sou kale mamai sele ne sou kai a kinainai lagolago me ne sou asu usino usinani. Me sou kale mamai sele sou a vanunua ma tavivine ne sou vate oaso kubaana usino ne sou na muina viepiluna vuso.

Malongolongona Kubaana mine Iesu Luk ei niage 11:43

“Amutou Parisi, mavaana buo ei ni palea le amutou. Amutou kale mamai a gualena munugana niugugu na luma mina kinaka ne amutou, me amutou kale mamai a vanunua ne sou vate oaso doana ane amutou na muina viepiluna.