Matiu 10:28 - Laulau na Vinalu mine Salemo

²⁸ Amutou ma laelae lou a vanua sou valipute a vovo, moni sou ma mapigogoi ete ne sou valipute a nunune amutou. Amutou namutou lae moni e Salemo. Ei moni mapigogoi ni valipute a vovo, mei toegegeli a nunu na aubu na davutina.

Matiu 10:28 Referans Kwoze

Inade i Ovu 2:10

Mulimuli sapa oo no tabule a davutina, moni oo ma laelae lou. Longe. Satan ei ni tau sanii mine amutou ulilo na luma na tunuui mina tinovene amutou. Me ne amutou tabule a mavaana ma davutina mapigogoi a malada savulu tasa. Moni oo no silimuli sagali i asu pea na ilala oo mate, me eau na bilii e oo a kele na maulina.

Iemus 4:12

Salemo tasa moni ei mapale a binea, me ei moni ei e Salemo na vivilealena. Ei tasa moni ei mapigogoi ni gualeliu e sou a vanunua ma tavivine me ei ni toegegeli e sou. Moni oo e sei no vivileale a vanunua ma tavivine seasea?

1 Pita 3:14

Moni mane amutou goli a inigogona bilesi, me amutou tabule a davutina a golu ie, io ne amutou mongemonge. Mane sou toenilae amutou, io amutou ma laelae lou e sou. Ma lilone amutou ni ma sagasaga lou.

Matiu 25:46

“Ma abuna sou edo ne sou guale a davutina i muina taliuliu. Moni e sou a vanunua ma tavivine bilesi ne sou guale a maulina taliuliu taliuliu.”

Hibru 10:31

Mane a bibi tasa ei muina matano na mavove davutina mine Salemo, io a bibi iedo ei ni lae mamau sele. Salemo ie ei mauli taliuliu taliuliu.

Matiu 10:26

“Amutou ma laelae lou a vanunua sou kale ne sou toegegeli e amutou. Golugolu vuso sou avisobe ni palea na avena muada. Ma inadenade vuso ino ovu, ne sou muada i.

Hibru 11:35

Tavivine sanii sou gualeliu a maututune sou so matesi. Sou a butu sou malaitabe sele sou mapigogoi ne sou mate i. Sou a butu sou vei maido, mane sou lametase Salemo, io ne sou toemalemale sou. Moni sou saukiki a inade mine sou, vuna sou damutatala maido, mane sou mate, ne sou ilisiliu na minate me ne sou guale a maulina i doana lou.

Aposel 21:13

Moni Pol ei adeliu maido, “Posa matina amutou tangitangi me amutou toegegeli a lilogu? Eau masusulu moni ne sou tau eau mina luma na tunuui. Me eau masusulu tamai na mate ne Ierusalem mina beilangena aisane Bibi Taula Iesu.”

Matiu 5:22

Moni eau vei le amutou maido, sei bibi ei sinoa ane tamaina, ei ni magili na vavasana. Ma bibi ei lobe gegeli e tamaina, ei ni magili na vanua na avelulusena inade. Me sei bibi ei vei ana bibi tasa maido, ‘Oo vauta,’ ei ni asu usino na oavi mina aubu na davutina.

Ioanes 5:29

Me sou a vanunua ma tavivine sou goli a inigogona i doana, ne so ilisiliu me ne sou mauli, me sou a vanunua ma tavivine sou goli a inigogona pagu, ne sou ilisiliu me ne sou magili na vavasana.”