Matiu 10:16 - Laulau na Vinalu mine Salemo

¹⁶ “Longe. Eau peltase amutou usino tomane a sipsip balivua ne sou a busebuse aou. Maido ma muadana mine amutou ni tomane a aliusu, moni namutou maolo tomane a manu kuau.

Matiu 10:16 Referans Kwoze

Malongolongona Kubaana mine Iesu Luk ei niage 10:3

Amutou asu. Longe. Eau peltase amutou usino tomane a natatuna sipsip sou asu balivua na busebuse aou.

Pilipai 2:15

Mane amutou goli maido, ne amutou palea natatune Salemo bilesi, me namutou ma isa oto a mumuguna ue a inigogona pagu. Ne amutou lapitole obi a inade ei isa a maulina, me ne amutou muina tomane a muada balivua na abuna vanunua ma tavivine mina magamaga ie, ede sou a abuna sou litase a inigogona bilesi, me sou goli a inigogona pagu makuba. Maido me na malada Krais i vavasa ana vanunua ma tavivine, eau na mongemonge sele a inigogona mine amutou, me eau na muada i maido, pipigona sagali vuso eau goli balivua ne amutou, ede eau ma goli sabubi ete.

1 Korin 14:20

Tamtamaigu, amutou ma ugugu lou tomane selebanini na damutatalana mine amutou. Na matamatana inigogona pagu vuso ne amutou ugu tomane selebanini. Moni a damutatalana mine amutou ei ni muina tomane a damutatalana mine sou buobuo.

Kolosi 4:5

Ilala amutou ino pilu a vanua sou ino masala na kinaka, namutou ogomuli a damutatalana kubaana me mu goli a inigogona bilesi. Taliuliu namutou masusulu ne mu maite a inigogona mine Krais usino ne sou.

Malongolongona Kubaana mine Iesu Luk ei niage 21:15

vuna maido eau oto na tau a inade na asene amutou, me eau na bilii e amutou a muadana doa. Ma abuna vuso sou kale ne sou vavasa ane amutou, moni ne sou ma mapigogoi ete ne sou saukiki ue sou taupui e amutou.

Aposel 20:29

Eau muada, ilala eau ilisitase amutou me eau asuosi, sou a busebuse aou ne sou vele usinani balivua ne amutou, me ne sou toegegeli e sou a sipsip.

2 Korin 11:3

Lisa oto sele aliusu ei iotetase Iv. Me eau lae, dae a matana golu maido ni palea ne amutou, ma damutatalana mine amutou ni maitavivili me amutou litase a inigogona maolo ma damutalene Krais.

1 Tesalonaika 5:22

me mu asuleletase a matamatana inigogona pagu vuso.

2 Korin 11:14

Me amutou ma sagasaga lou a inigogona sou goli iodo. Eitou muada, Satan sauvulevule ei tamai mei palea tomane a bineanea mina muada.

1 Tesalonaika 2:10

Amutou muada, me Salemo tamai ei muada a inigogona amiteu goli usino ne amutou a vanunua ma tavivine mu silimuli e Krais. Amiteu goli a inigogona maolo ma inigogona bilesi ei doana na matane Salemo, me amiteu ma goli ete a inigogona pagu.

Kolosi 1:9

Maido me soke na malada amiteu longe a inigogona doana mine amutou, taliuliu amiteu kake Salemo ni buloi e amutou, ne amutou muada kuba sele a masagana minei, ma Maolona Nunu ni bilii e amutou a matamatana muadana ma damutatalana kubaana, me iede ei ni vonu sele ne amutou.

2 Korin 1:12

Amiteu masalai e amiteu a golu tasa. Na lilone amiteu, amiteu muada i maido, amiteu goli a inigogona bilesi ma inigogona i moliana usino ne sou a vanunua ma tavivine me usino ne amutou bilesi tamai, ei a inigogona Salemo i bilii e amiteu. Amiteu ma goli ete a inigogona ieli na damutatalana i doana mina vanunua na magamaga, moni amiteu goli a dinodo mine Salemo.

2 Korin 8:20

Amiteu ma kale ete ve tasa mine sou ni poge a sinusu mina vea amiteu lapitole a niabi buo mine amutou. Maido me amiteu peltase a tamaine eitou ieli pilu e Taitus usino ne amutou.

Matiu 24:25

Oite, palapala eau veiosi le amutou a golugolu sou odo.

Matiu 24:45

“Sei bibi na pipigona ei isa a damutatalana kubaana me a pipigona minei ni doana taliuliu? Bibi buo ei vilealale a matana bibi na pipigona do mina itealene sou a vanunua na pipigona sanii na luma minei, me mina soebulena gona inani usino ne sou na ilala bibi buo ei tau.

Matiu 25:2

Lima mine sou a vautana tavivine, me lima mine sou so isa a damutatalana.

Matiu 25:4

Moni a tavivine sou isa damutatalana, sou singi vovoni a nanu na batega vuso mine sou me sou polo pilu e sou a lam mine sou.

Matiu 25:9

“Moni a tavivine sou isa a damutatalana sou maliu a inade maido, ‘Boa. Nanu ieli ei ma mapigogoi ete ane amiteu me amutou tamai. Kubaana amutou asu mu oli ane amutou oto.’