Malongolongona Kubaana mine Iesu Luk ei niage 8:15 - Laulau na Vinalu mine Salemo

¹⁵ Ma vuana vit sanii sou pu na magamaga doana, sou tomane a vanunua sou longe iiti a inade me sou tau a inade do na lilone sou i kubaana me doana, me sou lapitole, me sou magili sagali me sou vua.

Malongolongona Kubaana mine Iesu Luk ei niage 8:15 Referans Kwoze

Hibru 10:36

Namutou magili sagali, maido me amutou mapigogoi namutou ogomuli a masagana mine Salemo, me ne amutou guale a golugolu doana, lisa Salemo ei adegatunasobe ni bilii e amutou.

Malongolongona Kubaana mine Iesu Luk ei niage 6:45

Tomane moni a bibi doana ei goligoli a inigogona doana na lilone ei. Moni a bibi pagu ei goligoli a inigogona pagu na lilone ei tamai. Vuna, matana damutatalana ei vonu lilo, iedele asena i veipalele.

1 Ioanes 2:3

Mane eitou ogomuli a binea mine Salemo, de neitou damutale maido, eitou muada kuba e ei.

Kolosi 1:10

Maido me amutou mapigogoi namutou malu na maulina mine Bibi Taula e Iesu, me ne amutou toe mongemonge e Salemo na inigogona vuso, me ne amutou goli a matana pipigona kubaana makuba, me ne amutou muada e Salemo, ma muadana iedo ni palea buo lou taliuliu.

Kolosi 1:6

Na avena vuso mina magamaga, malongolongona kubaana ieli ei vele bubula, ma vanunua ma tavivine makuba sou silimuli me sou ogomuli, ma inigogona mine sou i palea kubaana. Na inigogona tasa moni, ei paleasi balivua ne amutou tamai, soke na malada amutou longe a malongolongona kubaana mina dinodo mine Salemo, amutou muada sele i.

Ioanes 14:15

“Mane amutou kale sele e eau, io ne amutou ogomuli iiti a binea vuso minau.

Malongolongona Kubaana mine Iesu Luk ei niage 11:28

Moni e Iesu ei vei, “Boa, vanunua ma tavivine sou longe a inade mine Salemo me sou ogomuli, ede ne sou mongemonge.”

Pilipai 1:11

Ma vuavua na inigogona bilesi Iesu Krais ei mapalele, ei ni vonu sele ne amutou, me sou a vanunua ma tavivine ne sou ite amutou, ne sou bilii a aisa buo usino ne Salemo me ne sou beilange a aisane ei.

Laulau Pol ei niage usino ne sou e Rom 7:4

Maido me tamtamaigu, amutou valitole a vovone Krais, me na inigogona ieli amutou matesi, me amutou ma ino otosi matano na binea. Seidei amutou ino a abuna mina bibi tasa sea, ei a Bibi iedo i ilisiliu na minate, mine eitou mapale sou a inigogona doana Salemo ei kale.

Laulau Pol ei niage usino ne sou e Rom 6:22

Moni Salemo i gualeliuosi e amutou maino na mavovedavutina mina sinusu, me ei toe e amutou palea a bibi na pipigona minei oto. Ne amutou guale a golugolu doana sou odo ne ei. Ei ni toe e amutou palea maolo me ne amutou goli a inigogona ei kale. Me namutou guale a maulina i muina taliuliu taliuliu.

Ioanes 15:10

Mane amutou ogomuli kube a binea minau, ne amutou muina na masagana minau, tomane eau ogomuli kube a binea mine Euma, me eau muigu na masagana minei.

Matiu 24:13

Moni e sou a vanunua ma tavivine sou magili sagali pea na punuluna malada, Salemo ei ni gualeliu e sou.

Hibru 2:1

Maido ma inade eitou longesi, iedo neitou lapitole obi sele me neitou ogomuli iiti, dae ne eitou patileletase.

Epesus 2:8

Na dinodo mine Salemo, amutou guale a maulina alaba ilala amutou silimuli e Krais. Ede a golu amutou oto mu ma goli ete. Boa. Ieli i a niabi moni Salemo ei bilii sabubi e amutou.

1 Korin 7:19

Inigogona munoge ei a golu sabubu. Ma inigogona bibi ei ma moge ete ei, iede tamai ei a golu sabubu. Moni a inigogona ogomulina binea mine Salemo, ei a golu ivu.

Laulau Pol ei niage usino ne sou e Rom 7:18

Eau muada, golu tasa doana eili boa na lilogu. Eau ade a masagana pagu minau moni. Ivu, eau kale na goli a inigogona kubaana, moni eau ma mapigogoi ete na goli.

Laulau Pol ei niage usino ne sou e Rom 2:7

Sanii sou ogomulimuli sagali a inigogona doadoana taliuliu me sou tilotilo a vea mina minaluna doana pilu e Salemo ma aisa buo pilu a maulina ei ma pulupulu oto. Salemo ei ni bilii a maulina i kubaana taliuliu taliuliu usino ne sou a vanunua ma tavivine do.

Iemus 1:4

De taliuliu namutou magili sagali me namutou tabule a mavaana, maido me a inigogona li ni masagali sele e amutou, me namutou ugu kuba me namutou ma boto oto a golu tasa Salemo ei kale.

Malongolongona Kubaana mine Iesu Luk ei niage 8:14

Ma vuana vit sanii sou pu balivua na mota oloolo, sou tomane a vanunua sou longe, moni damutatalana mina golugolu na magamaga, ma vatu, ma munongena a golugolu mina magamaga sou avisobe a silimulina mine sou, me sou ma vua kuba oto.

Malongolongona Kubaana mine Iesu Luk ei niage 8:16

“Vanunua sou vai a sulu, sou ma taboboliboli ete a taogo, me sou ma tau ete matano na poso. Boa. Moni sou tautau muata na poso na sulu, ve a vanunua sou gali ulilo ne sou ite a muada odo.

Laulau Pol ei niage usino ne sou e Rom 8:25

Moni eitou muada, neitou guale ivu a golugolu saboa eitou guale do, maido me neitou toesagaligali a lilone eitou me neitou magitali.