Malongolongona Kubaana mine Iesu Luk ei niage 7:16 - Laulau na Vinalu mine Salemo

¹⁶ Maido ma vanunua ma tavivine vuso sou lae, me sou beilange a aisane Salemo. Me sou vei, “A profet buo ei paleasi balivua ne eitou. Salemo i asuosi usinani mina buloina vanunua ma tavivine minei.”

Malongolongona Kubaana mine Iesu Luk ei niage 7:16 Referans Kwoze

Malongolongona Kubaana mine Iesu Luk ei niage 7:39

Parisi ei toleale Iesu usinani ne ei, ei ite do me ei vei le ei oto, “Mane a bibi ieli ei a profet, ei ni muada a inigogona mina tavine dolo i tau a limana ne ei, ei a tavine mina gunolina sinusu.”

Matiu 9:8

Vanunua ma tavivine sou ite maido me sou lae, me sou beilange a aisane Salemo, vuna ei bilii a matana sagagalina usino ne sou a vanua.

Malongolongona Kubaana mine Iesu Luk ei niage 1:68

“Eitou beilange a aisane Salemo, Bibi Taula mine Israel. Ei asu usinani me ei buloi e eitou a vanunua ma tavivine minei mei gualeliu e eitou.

Malongolongona Kubaana mine Iesu Luk ei niage 5:26

Me sou vuso a vanunua ma tavivine sou saga sele. Me sou beilange a aisane Salemo me sou lae sele me sou vei maido, “Seidei eitou ite a matana golu sea sele i palea.”

Malongolongona Kubaana mine Iesu Luk ei niage 2:20

Ilala vanua na itealalena sipsip sou veteliuliu, sou masalai me toledadangi e Salemo a golugolu vuso sou longe me sou ite tomane a bineanea i veiosi le sou.

Malongolongona Kubaana mine Iesu Luk ei niage 1:65

Me sou minei vuso, sou ite a golu sea sele i palea do, me sou lae. Ma inade mina golugolu vuso do ei vele maisaba na aububuna vuso na avena loeloena mine Iudia.

Matiu 21:11

Ma vanunua ma tavivine sou vei, “Ede Iesu, ei a profet maino ne Nasaret ne Galili.”

Matiu 15:31

Me sou a vanunua ma tavivine sou ite sou a asene sou sobo do sou adeade lou, me sou a tuane sou makoko sou palea kuba lou, me sou a ubune sou pagu sou asuasu lou, me sou a mata ego sou gemugemu lou, me sou saga mamau. Me sou beilange a aisane Salemo mine Israel.

Galesia 1:24

Sou longe a mapamulina Salemo ei goli le eau, me sou beilange a aisane ei.

Aposel 5:5

Ananaias ei longe a inade do me ei bosa me ei mate. Me sou a vanunua sou longe a inade na golu odo ei palea le Ananaias, sou lae mamau sele.

Ioanes 9:17

De sou e Parisi sou tagi lei a bibi iedo maido, “Bibi ei toekube a matamu odo, oo damu i ei sei bibi?” Ma bibi edo ei vei maido, “Ei a profet tasa.”

Ioanes 6:14

Sou a vanunua ma tavivine so ite a matailala iedo Iesu goli, me sou vei maido, “Ivu, ei a profet Salemo ei vei a peltasene ei usinani na magamaga.”

Ioanes 4:19

Ma tavine ei vei lei, “Bibi buo, seidei eau muada i, oo a profet tasa.

Ioanes 1:25

Me sou tagi e Ioanes maido, “Mane oo ma Krais oto, me oo ma Elaiia oto, me oo ma profet oto do, maido me posa matina oo maavuvuti e sou?”

Ioanes 1:21

Me sou tagi e ei, “Oo sei? Oo Elaiia, io?” Me ei vei, “Boa.” Me sou vei, “Nane oo a profet amiteu magitalitali iodo, io?” Me ei adeliu maido, “Boa.”

Malongolongona Kubaana mine Iesu Luk ei niage 24:19

Me Iesu ei tagi e sulu, “Sei golu?” Me sulu vei lei maido, “Amiteu adeade e Iesu maino ne Nasaret. Ei a profet, me ei goli a pipigona sagali ma inadenade sagali na matane Salemo me na matana vanunua vuso.

Malongolongona Kubaana mine Iesu Luk ei niage 9:19

Me sou adeliu maido, “Ioanes bibi mina maavuvutuna, me sanii sou veivei, o Elaiia, me sanii sou vei, o tasa mine sou a profet lisa ei ilisiliu.”

Malongolongona Kubaana mine Iesu Luk ei niage 8:37

Ma abuna vanunua vuso mina aveavena ne Gerasa, sou tagi e ei ni ilisitase sou, vuna sou lae mamau sele. Maidolo me Iesu ei sae na bot mei veteliu.

Malongolongona Kubaana mine Iesu Luk ei niage 5:8

Saimon Pita ei ite, mei totopatulu agavuale a ubune Iesu me ei vei, “Bibi Taula, o ilisitase eau. Eau a bibi na sinusu.”

Matiu 28:8

Tavine lua su lae sele, moni sulu mongemonge mamau sele, ma tabaa oto sulu asutase a muina minate me sulu vele vauta usino ne su vei le sou a disaipel minei.

Aposel 7:37

“Moses iodo ei vei le sou e Israel maido, ‘Salemo ni vileale e tamaine amutou tasa a profet tomane eau oto.’

Malongolongona Kubaana mine Iesu Luk ei niage 19:44

Me ne sou valipopole oo utano na magamaga pilu e natatumu lilo na bigomu minio. Me ne sou ma litase ete a vatu tasa i tabuli muata na vatu tasa sea, vuna maido oo ma muada oto a ilala Salemo i asuosi usinani na buloi ne oo.”

Malongolongona Kubaana mine Iesu Luk ei niage 7:15

Me ei ilisi me ei ugu, me ei soke a inade. Me Iesu ei bilii liu e ei usino ne tinana.