Malongolongona Kubaana mine Iesu Luk ei niage 6:11 - Laulau na Vinalu mine Salemo

¹¹ Moni sou Parisi sou lilotivula sele me sou maiademuli ne sou oto maido, “Neitou toematine e Iesu?”

Malongolongona Kubaana mine Iesu Luk ei niage 6:11 Referans Kwoze

Aposel 5:33

Sou a vanunua mina avelulusena inade sou longe a inade mine Pita, me sou sinoa mamau sele, me sou kale ne sou valipute sou a aposel ne sou mate.

Aposel 26:11

Me taliuliu eau gali ulilo na luma na kinaka mine sou e Iuda mina sautolene sou me mina toegegeline sou. Eau sagali mamau a gunolina vanunua ne sou lametase e Bibi Taula me ne sou adegegeli e ei. Eau sinoa mamau ane sou, me eau asu tilomuli e sou na aubu buobuo vuso ino bulago tamai.”

Aposel 7:54

Sou a vanunua na avelulusena inade sou longe a inade mine Stiven, ma lilone sou i tivula gegelu sele ane ei me sou gado kasesele a livone sou.

Aposel 4:19

Moni e Pita pilu e Ioanes sulu maliu a inade maido, “Amutou damutale, sei inigogona ei bilesi na matane Salemo? Ne amilu ogomuli a inade mine amutou, ue ne amilu ogomuli a inade mine Salemo? Amutou oto namutou vivileale.

Aposel 4:15

De sou a vanua buobuo sou vei le sulu ne su asutase a luma na avelulusena me sulu asu usala. Sulu asuosi, ma vanunua sou maiademuli e sulu,

Ioanes 11:47

Maido me sou a munugana prist pilu e sou e Parisi sou toleale sou a vanua na toebilelesina inade ne sou viepili, me sou vei le sou maido, “Neitou goli a sava? Bibi ieli ei goli a gona sinaga papainasi.

Ioanes 7:1

Na malada sanii mulimuli, Iesu ei gaga lilo na avena ne Galili. Ei ma kale ete ni asu ni gaga lou lilo na avena ne Iudia, vuna sou e Iuda so kale ne sou valipute ei.

Malongolongona Kubaana mine Iesu Luk ei niage 4:28

Vanunua vuso ino na luma mina kinaka ne sou e Iuda sou longe a inade do, me sou lilotivula mamau sele.

Matiu 21:45

Ilala sou a munugana prist me sou e Parisi sou longe a adetinovona Iesu ei goli, me sou muada, ei ade e sou oto.

Matiu 16:7

Me sou a disaipel sou maiade balivua mine sou oto maido, “Ei goli a inade iedo, vuna eitou ma guale ete a ulalu usinani.”

Malongolongona Kubaana mine Iesu Luk ei niage 6:10

Me Iesu i gemuale sou a vanunua vuso, me ei vei ana bibi iedo maido, “Toebilelesi a limamu.” Bibi ei goli maido, me a limana i doana lou.

Malongolongona Kubaana mine Iesu Luk ei niage 6:12

Na ilala iedo Iesu ei asu uata na loena tasa ni kaka. Na lodo vuso do ei kaka.

2 Timoti 3:9

Moni a inigogona mine sou iedo ei ni ma palea buo mamau oto, vuna vanunua vuso ne sou ite maido, a inigogona mine sou ei pagu sele tomane lisa sou a vanua sou ite a inigogona mine Ianes pilu e Iambres i pagu.