Malongolongona Kubaana mine Iesu Luk ei niage 4:10 - Laulau na Vinalu mine Salemo

¹⁰ Vuna maido, Laulau mine Salemo ei vei maido, ‘Ei ni vei ane sou a bineanea minei ne sou ulage kube oo.

Malongolongona Kubaana mine Iesu Luk ei niage 4:10 Referans Kwoze

Hibru 1:14

Sou a bineanea sou a nunu, me sou goligoli a pipigona mine Salemo. Salemo ei peltatase sou usino mina buloine sou a vanunua ma tavivine ei kale ni gualeliu.

Malongolongona Kubaana mine Iesu Luk ei niage 4:3

Me Satan i vei lei maido, “Mane oo e Natune Salemo, o ade ana vatu ieli ni sauvule mei ni palea a ulalu.”

2 Korin 11:14

Me amutou ma sagasaga lou a inigogona sou goli iodo. Eitou muada, Satan sauvulevule ei tamai mei palea tomane a bineanea mina muada.

Malongolongona Kubaana mine Iesu Luk ei niage 4:8

Moni Iesu ei maliu lei maido, “Laulau mine Salemo ei vei maido, ‘Oo no totopatuliale Bibi Taula, Salemo minio, me oo no matano moni ne ei.’”

Malongolongona Kubaana mine Iesu Luk ei niage 4:11

Me ne sou sie oo dae a vatu tasa ni ubi a ubumu.’”