Malongolongona Kubaana mine Iesu Luk ei niage 24:52 - Laulau na Vinalu mine Salemo

⁵² Me sou totopatulu me sou kaka ane ei. Me sou mongemonge sele me sou veteliu usino ne Ierusalem.

Malongolongona Kubaana mine Iesu Luk ei niage 24:52 Referans Kwoze

Matiu 28:9

Me Iesu ei poge sulu na vea mei vei, “Autupola sele.” Me sulu asu agavi me sulu lapitole a ubune ei, me sulu kaka ane ei.

Ioanes 16:22

Tomane moni, seidei amutou lilobuu. Moni eau na ite lei e amutou, ma lilone amutou ni mongemonge. Ma bibi tasa i ma mapigogoi ete ni taulele a munonge mine amutou odo.

1 Pita 1:8

Amutou saboa mu ite Iesu, moni amutou kale mamai sele ei. Seidei amutou ma ite ete ei, moni amutou silimuli e ei me amutou mongemonge sele. A munonge do ei seleuli a munonge vuso mina magamaga ie, me eitou ma mapigogoi ete neitou ade i na asene eitou.

Ioanes 20:28

Me Tomas ei sie liu a inadene ei maido, “Oo Bibi Taula minau, oo e Salemo minau.”

Ioanes 14:28

“Amutou longesi a inade eau bilii e amutou maido, ‘Eau na ilisitase amutou me asu. Me eau na veteliu usinani ne amutou.’ Mane amutou kale sele eau, io amutou ni mongemonge a inade maido eau na asu usino ne Euma, vuna Euma ei buo lou ane eau.

Matiu 28:17

Me sou ite Iesu me sou kaka ane ei. Moni sanii ne sou so isa a damutatalana lua.

Ioanes 16:7

Moni eau vei ivu ane amutou ieli mina buloine amutou, eau na ilisitase amutou me eau na asu. Mane eau ma asutase ete e amutou, Nununa Buloina ei ni ma mapigogoi ete ni sibitala le amutou. Moni mane eau asu, de eau na peltase ei usinani ne amutou.

Malongolongona Kubaana mine Iesu Luk ei niage 24:51

Na ilala ei maibalavelave sou, ei ilisitase sou, me Salemo ei guale ei uata na langi.

Malongolongona Kubaana mine Iesu Luk ei niage 24:53

Me taliuliu sou muine sou na luma mine Salemo me sou beilangelange a aisane Salemo.

Aposel 1:12

Sou a disaipel sou veletase a loena sou vate e Oliv, me sou asu liu usino ne Ierusalem. A loena e Oliv do ei agavuale moni e Ierusalem, ei mapigogoi a bulagona kilomita tasa.