Malongolongona Kubaana mine Iesu Luk ei niage 23:22 - Laulau na Vinalu mine Salemo

²² Matolunai ei vei le sou, “Vuna matina? Ei goli sei matana sinusu? Eau ma poge ete a sinusu tasa minei mapigogoi na vei ei ni mate. Maido me eau na tibi e ei me na litase ei.”

Malongolongona Kubaana mine Iesu Luk ei niage 23:22 Referans Kwoze

Malongolongona Kubaana mine Iesu Luk ei niage 23:14

Mei vei ane sou maido, “Amutou maasi a bibi ieli usinani minau, me amutou vei ve ei toemaisabe a inigogona mina vanunua ma tavivine. Mu ite! Na matane amutou eau tagi kube e ei a golugolu ie, eau ma poge ete a sinusu tasa amutou vavasa ana bibi ie.

1 Pita 3:18

Krais ei a bilesina bibi, moni ei puisobe a muina vanunua ma tavivine mina sinusu, me ei mate matasa moni mina gualeliune sou vuso, maido me ei maasi e eitou usino ne Salemo. Na vovo ei mate, moni na nunu ei mauli.

1 Pita 1:19

Ei oliliuale amutou a dalane Krais. Daladala do a mapana i buo mamau. Krais ei tomane a natuna sipsip tasa ei ma isa oto a tuutuu ue poposi na vovone ei.

Malongolongona Kubaana mine Iesu Luk ei niage 23:20

Io Pailat ei vei lei a inade usino ne sou, vuna ei kale ni litase Iesu.

Malongolongona Kubaana mine Iesu Luk ei niage 23:16

Maido me eau na tibi e ei me na litase ei.”

Malongolongona Kubaana mine Iesu Luk ei niage 23:4

Me Pailat ei vei le sou a munugana prist me sou a abuna vanunua ma tavivine maido, “Eau ma poge ete a sinusu tasa mina bibi ie.”

Malongolongona Kubaana mine Iesu Luk ei niage 23:21

Moni sou tola maido, “Gati ei na tauvaleuti! Gati ei na tauvaleuti!”

Malongolongona Kubaana mine Iesu Luk ei niage 23:23

Moni sou tola vauta lou ane ei ni gati e Iesu na tauvaleuti. Ma baligolune sou i vululusi sele.