Malongolongona Kubaana mine Iesu Luk ei niage 18:22 - Laulau na Vinalu mine Salemo

²² Iesu ei longe a inade do me ei vei maido, “Oo saboa boto a golu tasa. A golugolu vuso o isa i, oo no masosove me oo no bilii e sou kapelabe. Oo goli maido, o no isa a golugolu doana sele na langi. Me o ogomuli e eau.”

Malongolongona Kubaana mine Iesu Luk ei niage 18:22 Referans Kwoze

Malongolongona Kubaana mine Iesu Luk ei niage 12:33

Masosove a golugolu amutou isa a i me mu oabi a vatu odo usino ne sou a vanunua sou boto a golugolu, inigogona ieli ei tomane a palakuluna vatu ane amutou i ma mamaumau oto, me mu tau a golugolu doana na langi, ei ni ma bualeale oto me sou a vanunua mina lilimana ne sou ma paaali ete, ma loto ma veveana ne sou ma toegegeli ete.

Matiu 19:21

Me Iesu ei vei lei maido, “Mane oo kale no palea bilesi sele, io oo asu sosove a golugolu vuso minio, me a vatu oo guale do oo no bilii e sou a kapelabe. Oo goli maido, me oo no guale a golugolu doana sele na niitealalena mina langi. Me mulimuli oo vele o ogomuli e eau.”

Malongolongona Kubaana mine Iesu Luk ei niage 16:9

Me eau vei le amutou, a vatu vanunua sou guale a inigogona pagu, namutou maitamaina a vatu iedo. Me mulimuli, ilala a vatu iedo ei pulu, ne sou guale amutou usino na lumaluma namutou muine amutou taliuliu taliuliu.

Malongolongona Kubaana mine Iesu Luk ei niage 10:42

Oo no damutale moni a golu tasa. Maria ei vileale a golu i doana, me a bibi tasa ni ma gualelele lei maino ne ei.”

2 Pita 3:8

Tamtamaigu ivu, amutou ma danivusevuse lei a golu tasa ie. Na damutatalana mine Bibi Taula, malada tasa ei tomane a avala savuluvulu tasa (1,000), ma avala savuluvulu tasa ei tomane a malada tasa.

Pilipai 3:13

Amutou tamtamaigu, eau ma damu oto i, eau gualesi a inigogona iedo. Moni eau isa a damutatalana tasa moni, ede eau na danivusetase a golugolu vuso lisa, me eau na pipigo sagali a gualena golu sou ieli ni palea mulimuli.

Malongolongona Kubaana mine Iesu Luk ei niage 9:23

Me ei ade ane sou maido, “Mane a bibi tasa ei kale ni ogomuli e eau, de ei ni taupui a masagana minei oto, me ei ni tabule a tauvaleuti minei na malada vuso, me ei ni ogomuli e eau.

Malongolongona Kubaana mine Iesu Luk ei niage 18:21

Ma munuganuga ei vei maido, “Ilala eau saboa bibaini i asu mapigogoi seidei, eau ogomulimuli a binea vuso de.”

Malongolongona Kubaana mine Iesu Luk ei niage 18:23

Moni a munuganuga ei longe a inade do, ma lilona i mavaa sele, vuna ei isa a golu makuba sele.