Malongolongona Kubaana mine Iesu Luk ei niage 13:17 - Laulau na Vinalu mine Salemo

¹⁷ Ilala ei vei maido, vanunua sou butuale ei sou maela sele. Ma vanunua ma tavivine vuso sou mongemonge a golu vuso doana dolo ei goli.

Malongolongona Kubaana mine Iesu Luk ei niage 13:17 Referans Kwoze

1 Pita 3:16

Moni taliuliu ne amutou ugu bilesi na matane Salemo. Io, a vanua sou adegegelu me sou adepintola ana inigogona kubaana amutou goli, ne sou maela a inade sou goli iedo.

2 Timoti 3:9

Moni a inigogona mine sou iedo ei ni ma palea buo mamau oto, vuna vanunua vuso ne sou ite maido, a inigogona mine sou ei pagu sele tomane lisa sou a vanua sou ite a inigogona mine Ianes pilu e Iambres i pagu.

Aposel 4:21

De sou a vanunua na avelulusena inade sou bilii a inade sagali sanii lou usino ne sulu, me sou litase sulu usino, vuna sou lae a vanunua ma tavivine. Sou a vanunua ma tavivine sou damutale a golu e Salemo ei goli iedo, me sou beilange a aisane ei. Maidolo ma vanunua buobuo sou ma isa oto a vea mina madeputene sulu.

Malongolongona Kubaana mine Iesu Luk ei niage 20:40

Me sou lae a tinagine Iesu a golu tasa lou.

Malongolongona Kubaana mine Iesu Luk ei niage 19:48

Moni sou ma poge ete a vea tasa mina valiputene ei, vuna vanunua ma tavivine vuso sou sagali mamau sele a nilongena inade minei.

Malongolongona Kubaana mine Iesu Luk ei niage 18:43

Ma tabaa oto ei gemugemu, mei ogomuli e Iesu mei beilange a aisane Salemo. Ma vanunua ma tavivine vuso sou ite a golu odo sou tamai sou beilange a aisane Salemo.

Malongolongona Kubaana mine Iesu Luk ei niage 14:6

Me sou ma mapigogoi ete ne sou maliu a inade do.

Taitus 2:8

Taliuliu o no veimuade a inade bilesi moni. Mane oo goli maido, io a vanunua sou butuale eitou sou ma mapigogoi ete ne sou poge a mamauna na inade minio. Boa. Ne sou maela a damutatalana mamau mine sou.