Malongolongona Kubaana mine Iesu Luk ei niage 11:48 - Laulau na Vinalu mine Salemo

⁴⁸ Maido me amutou mailongosi a inigogona tubutubune amutou oto sou valipute a profet, me amutou malolome a muina minate mine sou.

Malongolongona Kubaana mine Iesu Luk ei niage 11:48 Referans Kwoze

Iemus 5:10

Amutou tamtamaigu, namutou damutale sou a profet mine Salemo lisa sou veimuade a inade na aisane Bibi Taula. Sou a butu sou toegegeli e sou, moni sou toesagali a lilone sou me sou tabule a mavaana. Namutou guale a inigogona mine sou, me mu ogomuli.

Matiu 23:31

De, na inade li amutou oto maite i maido, amutou a abune natatuna vanua sou valiputemate sou a profet, me amutou ogomuli a inigogone tubutubune amutou tamai.

Matiu 23:27

“Amutou a vanua na muadana binea me amutou e Parisi, mavaana buo ei ni palea le amutou. Amutou a vanua na aualana. Amutou tomane a muina minate sou malolome a malolomena keakea. Masala mina muina minate ei malasa mina niitena, moni lilo a tuatuana vanua sou matesi ma golugolu vuso sou mumugu sou ino vonu.

Malongolongona Kubaana mine Iesu Luk ei niage 11:47

“Mavaana buo ei ni palea le amutou. Amutou malolome a muina minate mina peilaine sou a profet, lisa tubutubune amutou sou valipute sou.

Malongolongona Kubaana mine Iesu Luk ei niage 11:49

“Maido me a bilesina damutatalana mine Salemo i vei maido, ‘Eau na peltase sou a profet me sou a aposel usino ne sou, me sou a vanunua ne sou toegegeli sanii mine sou, me ne sou valipute sanii ne sou.’

Laulau Pol ei niage usino ne sou e Rom 1:32

Bilesina binea mine Salemo i vei maido, “Vanunua sou goli a matana inigogona maido ne sou mate.” Vanunua dolo sou muada kuba a binea iedo, moni sou saukiki me sou goligoli a matamatana inigogona pagu. Me sou tamai masalailai aisana vanunua sou goligoli a matamatana inigogona pagu do.