Ioanes 16:20 - Laulau na Vinalu mine Salemo

²⁰ Ivu sele eau vei ane amutou, namutou tangi mamau me mu tangi dododo sele. Moni sou a vanunua ma tavivine mina magamaga ne sou mongemonge. A lilone amutou ni mavaa. Moni a lilomavaana mine amutou ni palea munongena.

Ioanes 16:20 Referans Kwoze

Iemus 1:2

Amutou tamtamaigu, mane a matamatana tinovo i palea le amutou, de namutou damutale i ei a gona munonge moni.

Matiu 5:4

Sou a vanunua ma tavivine sou tangitangi, ne sou mongemonge, vuna Salemo ni toekube a lilone sou.

2 Korin 6:10

Amiteu tomane amiteu ugu lilomavaa sele, moni taliuliu amiteu mongemonge. Amiteu eili tomane a vanua sou kapelabe, moni amiteu goli a vanunua ma tavivine sou palea vuvuti. Amiteu tomane amiteu ma isa oto a golu tasa, moni amiteu isa a golugolu vuso.

Malongolongona Kubaana mine Iesu Mak ei niage 16:10

Maria ei asu mei vei le sou a vanunua sou asu pilupilu e Iesu. Sou a vanunua do sou lilobuu me sou tangitangi.

Iudas 1:24

Salemo ei mapigogoi ni iteale kube amutou ne amutou ma bosa oto. Ei mapigogoi ni guale amutou usino ne amutou ugu masae na malasana minei, ne amutou ma isa oto a mavaana, ne amutou isa a munonge buo sele moni.

Malongolongona Kubaana mine Iesu Luk ei niage 24:21

Palapala amiteu silimuli a bibi ieli Salemo i vileale ei mina gualeliune amiteu e Israel. Ma inade tasa tamai lou, seidei ei a malada matolunai na tauluna golugolu sou odo i palea.

Galesia 5:22

Moni a vuavua doana mina Maolona Nunu i maido, kinalena, ma munongena, ma lilomeana, ma maovuna, ma buloina, ma gunolina inigogona kubaana, ma inasu bilesi taliuliu,

Laulau Pol ei niage usino ne sou e Rom 5:11

Ma golu tasa lou. Bibi Taula mine eitou, Iesu Krais, ei toe eitou palea lilo tasa pilu e Salemo, maidolo me seidei eitou mongemonge sele e Salemo.

Malongolongona Kubaana mine Iesu Luk ei niage 24:17

Me ei tagi e sulu maido, “Amulu asuasu me mu maiveimulimuli a sava?” Me sulu magili me sulu lagu dododo sele.

Malongolongona Kubaana mine Iesu Luk ei niage 23:27

Ma abuna vanunua ma tavivine sou ogomuli e ei, ma tavivine papaina sou tangi me sou ala dododo ane ei.

Inade i Ovu 18:7

Ei beilange a aisane ei oto me ei goli a matamatana inigogona toetavinevinena. Maido me namutou bilii e ei a davutina makuba me namutou matangi ei mapapaina, mapigogoi a inigogona pagu vuso minei. Ei ade e ei oto maido, ‘Eau eili a tavine a mapana. Eau ma buasu oto. Mavaana ni ma mapigogoi ete i palea le eau mea na tangi. Boa vuso sele.’

Inade i Ovu 11:10

Ma vanunua ma tavivine na magamaga ne sou mongemonge a niitene sulu su matesi, me ne sou ala, me ne sou maiiabi a niabi ne sou usino ne tamtamaine sou. Vuna, profet lua do su bilii a davutina pagu usino na vanunua ma tavivine na magamaga vuso.

Aposel 5:41

Maido me sou a aposel sou ilisitase a vanunua mina avelulusena inade me sou gali usala. Na ilala sou asu, sou mongemonge sele, vuna sou damu ve Salemo ei longo ane sou ne sou guale a maelana na aisane Iesu.

Ioanes 16:33

“Eau kale ne amutou lilomea moni lilo ne eau, maido me eau vei ane amutou a inade ieli. Na malada amutou eili na magamaga li, a mavaana vuso ni palea le amutou, moni amutou sagali. Eau vululusiosi a sagagalina mina magamaga ie.”

Ioanes 16:6

Eau vei le amutou a inade li, maido ma lilone amutou i mavaa sele.

Malongolongona Kubaana mine Iesu Luk ei niage 22:62

Me Pita ei gali usala me ei papaduale sele a tinangi.

Malongolongona Kubaana mine Iesu Luk ei niage 22:45

Ei kaka pulosi me ei magili me ei asu usino na disaipel minei. Me ei ite sou so ngolongolo, vuna maido sou lilomavaa sele.

Malongolongona Kubaana mine Iesu Luk ei niage 6:21

Amutou a abuna eili mu vitolo seidei, namutou mongemonge, vuna mulimuli namutou masu. Amutou a abuna seidei amutou tangitangi, namutou mongemonge, vuna mulimuli namutou polipoli.

Malongolongona Kubaana mine Iesu Mak ei niage 14:72

Ei veiosi, me ma tabaa oto kuleko ei tangi maluanai. Me Pita ei damutale lei a inade Iesu ei vei le ei, “Matailala a kuleko ei saboa tangi malua, oo no vei matolu maido oo ma muada oto e eau.” Me Pita i tangi mamau sele.

1 Tesalonaika 1:6

Ilala amutou gualesi a inade mine Salemo, mavaana makuba i palea le amutou, Maolona Nunu moni ei mailisi amutou namutou mongemonge, me amutou ogomuli a inigogona mine amiteu me mine Bibi Taula.

Ioanes 20:20

Ei vei maido me ei maite e sou a limana ma alisune ei. Sou a disaipel sou ite e Bibi Taula, me a lilone sou i mongemonge sele.

Matiu 21:38

“Moni a vanua sou pipigo na mauma sou ite natune ei asuasu maino, me sou maiademuli maido, ‘Bibi maino ieli ei ni guale a golugolu vuso mine tamane ei. De eitou valipute ei, me neitou guale a mauma minei ie.’