Ioanes 14:5 - Laulau na Vinalu mine Salemo

⁵ Tomas i vei le ei, “Bibi Taula, amiteu ma muada oto i a avena oo no asuale, me namiteu muada a vea matina?”

Ioanes 14:5 Referans Kwoze

Ioanes 11:16

Iesu ei adesi, de Tomas, aisana tasa e Didimus, ei vei le sou a disaipel maido, “De, eitou vuso neitou asu to mate pilu e ei.”

Malongolongona Kubaana mine Iesu Mak ei niage 9:19

Iesu ei longe a inade iedo, mei vei le sou maido, “Amutou a vanunua na silimulina boa. Mavisa eau ugupiluosi e amutou? Mavisa lou eau na tabule a mavaana mine amutou? Maasi a bibaini iede usinani.”

Ioanes 15:12

Binea minau ei maido, mu kale tamaimu tomane eau kale amutou.

Malongolongona Kubaana mine Iesu Luk ei niage 24:25

Me Iesu ei vei le sulu maido, “Amulu, vauta! Lilone amulu i ma ilisi asi oto a silimulina inade vuso sou a profet sou vei.

Matiu 10:3

Me Pilip, Batolomeus, Tomas, me Matiu, ei a bibi na gualena takis. Me Iemus, ei e natune Alpius, me Tadius,

Ioanes 14:4

Me amutou muada a vea usino na aubu eau kale na asuale do.”

Ioanes 16:5

“Moni seidei eau na asu usino ne Euma, ei peltase eau usinani. Ma bibi tasa ne amutou i ma tagi ete e eau, ‘Oo asu usiva?’