Ioanes 12:13 - Laulau na Vinalu mine Salemo

¹³ Maido me sou guale a lalana pam me sou pautiale ei na vea. Me sou tola maido, “Hosanna! Salemo ei ni toekube a bibi ieli ei asu usinani mina aisane Bibi Taula. Ei a mapana mine Israel.”

Ioanes 12:13 Referans Kwoze

Inade i Ovu 15:3

Sou ale a inala mine Moses, ei a bibi na pipigona mine Salemo, ma inala mine Natuna Sipsip. Inala do ei maido, “Bibi Taula, oo Salemo ei isa a sagagalina vuso, oo goli a matamatana pipigona buo, me na ilala amiteu ite, amiteu saga mamau sele. Oo mapana mine sou a aveavena vuso, inigogona vuso minio sou bilesi me sou patotona vuso.

Inade i Ovu 7:9

Tauluna golu ieli, eau ite a vanunua ma tavivine makuba sele sou viepilu i ma mapigogoi ete a bibi ni gi a savulu ne sou. Vanunua ma tavivine do sou mina abuna vanua vuso me mina avena buobuo vuso, me mina matamatana vovo vuso, me mina matamatana inade vuso, sou magili na laguna niugugu a mapana me na matane Natuna Sipsip. Sou kai a kinainai lagolago keakea, me na limane sou, sou lapitole a laulau na obu a lou.

Ioanes 1:49

Nataniel ei longe a inade do me ei vei maido, “Magiligilina, oo Natune Salemo. Oo a Mapana mine sou e Israel.”

Matiu 23:39

Eau vei le amutou maido, namutou ma ite lei ete e eau mapigogoi na ilala namutou vei, ‘Maibalave ei, ei asu usinani na aisane Bibi Taula.’”

Ioanes 19:15

Me sou tola maido, “Valipute ei! Valipute ei! Gati ei na tauvaleuti!” Me ei tagi e sou, “Amutou kale eau na gatitole a mapana mine amutou na tauvaleuti?” Me sou a munugana prist sou sie a inadene ei maido, “Amiteu ma isa oto a mapana tasa lou. Sisar vululu moni!”

Inade i Ovu 19:16

Na kinainai lagolago minei me na ubune ei sou niage a aisa maido, “Mapana mine sou a mapana, me Bibi Taula mine sou a vanua buobuo.”

Ioanes 12:15

“Amutou a tavivine mine Saion, amutou ma laelae lou. Mu ite, mapana mine amutou ei ugu na donki alaba me ei asuasu usinani.”

Matiu 27:42

“Ei buloiloi e sou a vanunua sea, moni ei ma mapigogoi ete ni buloi e ei oto. Ei a mapana mine Israel. Io ei ni sivo utano na tauvaleuti, me ne eitou silimuli e ei.

Ioanes 12:14

Me Iesu ei ite a donki tasa me ei ugu muata ne ei. Ei tomane a inade ino na Laulau mine Salemo,