Ioanes 11:28 - Laulau na Vinalu mine Salemo

²⁸ Marta i vei maido, me ei veteliu me ei tole tasina e Maria. Me ei ade pakisikisi na tagilane Maria maido, “Bibi na matetengina ei divi me ei eili, me ei kale ni ite oo.”

Ioanes 11:28 Referans Kwoze

Ioanes 13:13

Amutou tole eau a bibi na matetengina ma Bibi Taula. Ei patotona simaido. Eau oto a bibi na matetengina me eau Bibi Taula mine amutou.

Ioanes 11:20

Marta ei longe a inade ve Iesu ei asuasu maino, me ei ilisitase a luma mei asu ni poge Iesu na vea.

Malongolongona Kubaana mine Iesu Mak ei niage 10:49

Me Iesu ei magili mei vei, “Toleale ei usinani.” Me sou toleale a bibi a matana i ego do, me sou vei lei maido, “Atemu ma pansaesae lou. Oo ilisi. Ei toleale oo.”

Ioanes 21:7

Io a disaipel Iesu ei kale mamaimai sele do ei vei ane Pita maido, “Ei e Bibi Taula!” Ma ilala ei longe a inade do, “Ei e Bibi Taula,” ei papale a kinainai minei, vuna ei ma kakai oto. Mei seu utano mina dasi.

Ioanes 20:16

Me Iesu ei vei, “Maria.” Me Maria ei sauvule ei mei vei lei maido na inade Hibru, “Rabonai.” Malibuuna inade “Rabonai” ei maido, “Bibi na matetengina.”

Ioanes 10:3

Bibi na ulagena tema ei pee a tema ane a bibi. Ma sipsip vuso sou longemuli a tinola minei. Ei tole a aisana sipsip tastasa minei oto, me ei maasi e sou usala.

Ioanes 1:45

Pilip ei asu poge Nataniel me ei vei lei maido, “Amiteu itesi a bibi iedo lisa Moses ei niage a inade minei mina laulau na binea, me sou a profet tamai sou niage a inade minei. Ei e Iesu mine Nasaret, ei e natune Iosep.”

Ioanes 1:41

A munugana golu ei goli i na tilomuline tuana, e Saimon, me ei vei le Saimon maido, “Amiteu itesi e Mesaia.” A masovana mine Mesaia i maido, “Krais, a bibi Salemo i vileale ni gualeliu a vanunua ma tavivine minei.”

Malongolongona Kubaana mine Iesu Luk ei niage 22:11

Me ne amulu vei le tamana luma do maido, ‘Bibi na matetengina ei tagi e oo, “Vilo ive ne eau pilu a disaipel minau namiteu ani a gona inani mina Malada na Asuleletasena?”’

Malongolongona Kubaana mine Iesu Mak ei niage 14:14

Mane amulu ite ei gali ulilo na luma tasa, amulu vei ana tamana luma maido, ‘Bibi na matetengina ei tagu, “Vilo minau ino iva ne eau pilu e sou a disaipel minau namiteu aani a inani mina Malada na Asuleletasena?”’

Matiu 26:18

Me Iesu ei vei le sou, “Amutou asu ulilo na aubu buobuo me mu asu usino na bibi tasa me mu vei lei maido, ‘Bibi na matetengina ei vei, ilala minau i agavigaviosi. Eau pilu e sou a disaipel minau amiteu kale namiteu asu usinani na luma minio me namiteu ani a gona inani mina Malada na Asuleletasena.’”

Hibru 12:12

Maido me toesagali a limane amutou i mamatemate ma patulune amutou i ma sagali oto.

1 Tesalonaika 5:11

Maido me amutou tastasa namutou suuli e sou a vanunua ma tavivine sanii mine Salemo me masagali a lilone sou, tomane seidei amutou goligoli.

Ioanes 11:29

Maria ei longe maido, ma tabaa oto ei ilisi ni asu ite e Iesu.

Ioanes 11:30

Iesu saboa divi na aubu. Ei saboa ino na avena palapala Marta i poge ei iodo.