Inade i Ovu 1:17 - Laulau na Vinalu mine Salemo

¹⁷ Eau ite ei mea bosa agavuale a ubuna, me eau palea tomane a bibi ei matesi. Moni ei tau a limana e gata muata ne eau, me ei vei maido, “Oo ma laelae lou. Eau a munugana sele me a punuluna sele.

Inade i Ovu 1:17 Referans Kwoze

Inade i Ovu 22:13

Eau a Alpa me eau a Omega. Eau a munugana ivu me eau a punuluna sele. Eau a sinokona me eau a punuluna.

Inade i Ovu 2:8

Bibi iedo ei ade lou maido, “Oo no niage a inade sanii usino na bineanea mina viepiluna kinaka mine Smena. Inade oo no masosove usino ne ei i maido, ‘Eau a munugana sele mea a punuluna sele. Lisa eau matesi, moni seidei eau eili mauli. Me eau masosove a inade li usino minio.

Inade i Ovu 1:8

Salemo, Bibi Taula ei vei maido, “Eau a Alpa me eau a Omega, eau eili seidei ma lisa tamai, me mulimuli eau na asu usinani, eau isa a sagagalina vuso.”

Inade i Ovu 1:11

A bibi iedo ei vei maido, “Golugolu vuso oo ite, iede oo no niage mo masosove usino na viepiluna kinaka padilua, ne Epesus, Smena, Pegamum, Taiataira, Sadis, Piladelpia me Laodisia.”

Matiu 28:4

Sou a vanua na maubina sou ulage a muina minate sou lae e ei, ma vovone sou palili sele, me sou palea tomane sou a vanua sou matesi.

Ioanes 21:20

Pita ei sauvule me ei ite a disaipel Iesu ei kale mamai sele do, ei ogomuli e sulu. A bibi iedo lisa na malada sou aaniani, ei tau a letena agavuale a madalone Iesu me ei tagi e ei maido, “Bibi Taula, sei ni tau e oo na limane sou a butu?”

Ioanes 13:23

Me a disaipel tasa Iesu ei kale mamai sele do, ei vaitole Iesu.

Matiu 14:27

Moni ma tabaa oto Iesu ei vei le sou maido, “Amutou mu sagali. Ieli eau moni. Amutou ma laelae lou.”

Matiu 28:5

Moni a bineanea i vei ana tavine lua do maido, “Amulu ma laelae lou. Eau muada, amu asu usinani mina punogene Iesu, ei a bibi sou gatitole ei na tauvaleuti.

Inade i Ovu 1:4

Eau e Ioanes eau niage a inade li usino ne amutou a viepiluna kinaka padilua na avena buo e Esia. Salemo eili seidei ma lisa tamai me mulimuli ei ni asu usinani ei ni dode amutou mei ni toemea a lilone amutou. Ma nunu padilua, sou ino masae na niugugu a mapana mine Salemo, sou tamai ne sou dode amutou me ne sou toemea a lilone amutou.