Iemus 4:6 - Laulau na Vinalu mine Salemo

⁶ Moni e Salemo ei dode mamaimai sele eitou. Maido ma Laulau mine Salemo ei vei maido, “Salemo ei taupui a vanunua sou beilange a aisane sou oto, moni ei dodode sou a vanunua sou toebisii e sou oto.”

Iemus 4:6 Referans Kwoze

Matiu 23:12

Bibi ei beilange a aisane ei oto, aisana ni vele utano. Ma bibi ei taupui ei oto, ei ni guale a aisa buo.

1 Pita 5:5

Tomane moni amutou alalaba, namutou matano moni ane sou buobuo. Me amutou vuso tastasa namutou ogomuli a inigogona taupuine amutou oto mina maibuloina. Eitou muada, “Salemo ei taupui a vanunua sou beilange a aisane sou oto, moni ei dode me ei toeiiti sou a vanunua sou taupui e sou oto.”

Malongolongona Kubaana mine Iesu Luk ei niage 14:11

Bibi ei beilange a aisane ei oto, Salemo ni taupui e ei. Moni a bibi ei taupui e ei oto, Salemo ni beilange ei uata.”

Malongolongona Kubaana mine Iesu Luk ei niage 18:14

Me Iesu i vei, “Eau vei le amutou, na ilala bibi na gualena takis iedo ei veteliu usino na luma minei, ei palea a bilesina bibi na matane Salemo. Moni e Parisi iedo ei boa. Vuna maido, vanunua vuso sou beilange a aisane sou oto, Salemo ei ni taupui e sou utano. Ma vanunua vuso sou taupui e sou utano oto, Salemo ei ni beilange a aisane sou.”

Malongolongona Kubaana mine Iesu Luk ei niage 1:52

Ei taupui e sou a mapamapana, mei beilange a vanunua sou taupuipui e sou.

Matiu 13:12

Mane a bibi tasa ei isasi a golu sanii, Salemo ei ni bilii e ei sanii lou, me ei ni isa i papaina. Moni mane a bibi ei ma isa oto a golugolu, Salemo ei ni taulele a golu banini ei lapitolesi.

Iemus 4:10

Namutou toebisii e amutou oto na matane Bibi Taula. Mane amutou goli maido, io Bibi Taula ni beilange amutou.