Galesia 3:12 - Laulau na Vinalu mine Salemo

¹² Vea mina ogomulina binea, ei a gona mina silimulina boa. Vuna, Laulau mine Salemo ei vei maido, “Bibi ei ogomuli a binea vuso, ei ni mauli.”

Galesia 3:12 Referans Kwoze

Laulau Pol ei niage usino ne sou e Rom 4:14

Mane patotona, vanunua sou ogomulimuli a binea, sou moni ne sou guale a golugolu vuso Salemo ei adegatunasobe ni iabi, io a inigogona mina silimulina ei tomana golu sabubu. Ma adegatuna mine Salemo tamai iodo ni buale sabubu.

Laulau Pol ei niage usino ne sou e Rom 4:16

Salemo i dode e Abraham me eisusuna ne sou, sou palea mulimuli, me ei goli le ei a adegatuna do. Maido ma vanunua sou kale ne sou guale a golugolu Salemo ei vileale le sou, ne sou silimuli a inade mine Salemo me ne sou guale. Golugolu sou odo ei mina vanunua sou ogomuli a binea moni, boa. Vanunua vuso sou isa a matana silimulina tomane Abraham, sou tamai ne sou guale a golugolu sou odo. Maido me Abraham ei e tamane eitou vuso,

Laulau Pol ei niage usino ne sou e Rom 11:6

Ei dode sou mei vileale sou. Ei ma damutale ete a pipigona sou goli mei vileale sou. Mane sou goli a pipigona me Salemo i vileale sou, io a golu iedo eitou ma tole ete a dinodo, ei a dinodo ivu boa.

Matiu 19:17

Me Iesu ei vei lei maido, “Vuna matina oo tagi e eau a inigogona doana? Salemo tasa moni ei kubaana. Mane oo kale no guale a maulina i doana taliuliu, oo no ogomuli a binea vuso mine Salemo.”

Laulau Pol ei niage usino ne sou e Rom 7:10

Pipigona mina binea ei mina biliina maulina mina bibi. Moni eau ma guale ete a maulina na binea. Boa. Binea ei goli e eau eau mate moni,