Epesus 4:27 - Laulau na Vinalu mine Salemo

²⁷ Ma biliilii lei a vea tasa ane Satan.

Epesus 4:27 Referans Kwoze

Iemus 4:7

Maido me namutou matano moni ne Salemo. Namutou saukiki e Satan, me ei ni ilisitase amutou me ei ni iava.

1 Pita 5:8

Namutou masusulu me mu ulago kuba. Satan, a butu mine amutou odo, ei tomane a laion ei alabangenge sagali. Taliuliu ei gagaga mina tilomulina vanunua ma tavivine mina busongene sou.

Epesus 6:16

Namutou guale a golugolu vuso mina maubina iedo, me ne amutou lapitole tamai a silimulina tomane a galiau, ne amutou mapigogoi namutou valimate e sou a banara oavi mine Satan, ei langelange usino ne amutou.

Epesus 6:11

Namutou labetole a kinainai vuso na maubina mine Salemo, maido me namutou magilisobe a toegolalina mina nunu pagu.

Aposel 5:3

Me Pita ei vei maido, “Ananaias, posa matina oo itetase Satan ei vonu na lilone oo, me oo kale no auala ana Maolona Nunu, me oo tau oovi a avena vatu oo guale?

Laulau Pol ei niage usino ne sou e Rom 12:19

Tamtamaigu ivu, amutou oto amutou ma adovedove lei a inigogona pagu sou goli le amutou. Nosi ana Salemo ni lilotivula ane sou. Amutou muada, a Laulau mine Salemo ei isa a inade maido, “Adovena inigogona pagu, iede a pipigona minau. Eau oto eau na maliu a inigogona pagu mine sou mea na toegegeli e sou.”