Aposel 11:27 - Laulau na Vinalu mine Salemo

²⁷ Na ilala dolo sou a profet sanii sou ilisitase Ierusalem me sou asu utano ne Antiok.

Aposel 11:27 Referans Kwoze

Aposel 13:1

Viepiluna kinaka mine Antiok ei isa a vanunua sanii sou malongo a inade mine Salemo me sou a vanua sanii na matetengina. Aisane sou i maido, Banabas, Simeon, ei isa a aisa tasa Niger, e Lusius mine Sairini, Sol, me Manain, ei e tasine Herot ei a mapana mina itealena avena sanii.

1 Korin 12:28

Me Salemo ei vileale sou a vanunua ma tavivine mina gunolina pipigona mina viepiluna kinaka. Munugana e sou a aposel, maluana e sou a abuna mina veipalena inade na malongolongona, matoluna e sou a abuna mina vanunua ma tavivine mina matetengina. Me tamai, sou a abuna ino mina gunolina gona sinaga. Me sou a abuna mina toekubene sou so sobe, me sou a abuna mina buloine sou sanii, me sou a abuna mina itealena matamatana pipigona, me sou a abuna sou ade a matamatana inade.

Epesus 4:11

Me Krais moni ei bilii a niabi vuso maido, mina vanua sanii ei bilii a pipigona aposel, me mina vanua sanii ei bilii a pipigona profet, me mine sanii ei bilii a pipigona mina veimuadena malongolongona kubaana, me mine sanii ei bilii a pipigona mina itealalena viepiluna kinaka, ma pipigona mina matetengina.

Aposel 15:32

Iudas pilu e Sailas sulu a profet. Maidolo me sulu bilii a inade doana papaina usino ne sou a kristen, me na inigogona iedo sulu masagali a lilone sou.

Aposel 2:17

‘Salemo ei vei, “Agavuale a punuluna malada, eau na singi a Nunu minau ne sou a vanunua ma tavivine vuso. Me selebanini mine amutou ne sou malongo a inade minau tomane sou a profet. Me sou a vanunua alalaba mine amutou ne sou ite a golugolu tomane a tinada, me a vanunua buobuo ne sou tada.

Matiu 23:34

Maido me amutou longe. Eau peltase sou a profet me sou a vanua sou isa a damutatalana doana me sou a vanua na muadana inade mine Salemo ne sou asu usinani ne amutou. Moni namutou valipute sanii me mu gatitole sanii na tauvaleuti me mu tibi sanii lilo mina luma na viepiluna mine amutou. Me namutou votetase sou na aubu buobuo mine amutou me aubu buobuo sanii sea.

1 Korin 14:32

Sou a vanua na veipalena inade na malongolongona, sou iteale a asene sou oto me ne sou veipale a inade na ilala mine sou.

Aposel 21:9

Ei isa natuna tavine iva sou ma taulai oto. Sou veipalele a inade mine Salemo tomane sou a profet.

Aposel 21:4

Me amiteu asu me amiteu poge sou a disaipel, me amiteu ugu na aubu do a malada padilua. Maolona Nunu i bilii a inade usino ne sou a disaipel, me sou vei le Pol ni ma asuasu lou usino ne Ierusalem.

Malongolongona Kubaana mine Iesu Luk ei niage 11:49

“Maido me a bilesina damutatalana mine Salemo i vei maido, ‘Eau na peltase sou a profet me sou a aposel usino ne sou, me sou a vanunua ne sou toegegeli sanii mine sou, me ne sou valipute sanii ne sou.’

Aposel 6:5

Vanunua ma tavivine vuso sou kale a inade mine sou a aposel. Me sou vileale Stiven, ei a bibi ei isa a silimulina i sagali ma Maolona Nunu i vonu ne ei. Me sou vileale e Pilip, Prokorus, Nikano, Timon, Pamenas me Nikolas. Nikolas ei a bibi maino ne Antiok, moni ei ogomuli a kinaka mine sou e Iuda.

Aposel 11:20

Moni a vanunua sanii balivua ne sou, a vanunua ne Saiprus me mina aubu e Sairini, sou asu usino ne Antiok me sou veipale a malongolongona kubaana mine Bibi Taula Iesu ane sou e Grik tamai.

Aposel 11:22

Sou a vanunua ma tavivine mina kinaka ne Ierusalem sou longe a inade ieli, me sou peltase Banabas usino ne Antiok.

Aposel 14:26

Ne Atalia sulu sae na kuta, ma kuta i guale sulu usino ne Antiok, ei a aubu buobuo lisa sou a kristen sou tau e sulu na limane Salemo ni lilomuli e sulu me ne sulu pipigo, seidei sulu goliosi, me sulu veteliu usino ne Antiok.

Aposel 15:22

De sou a aposel me sou buobuo pilu e sou a vanunua ma tavivine vuso mina kinaka sou maiademuli a vilealena bibi lua mine sou. Tasa e Iudas, aisana tasa lou e Basabas, me tasa e Sailas. Sulu a munuganuga balivua ne sou a viepiluna kinaka. Me sou peltase sulu pilu e Pol me Banabas usino ne Antiok.

Aposel 15:30

De sou a vanunua ma tavivine na viepiluna kinaka sou peltase a vanunua do utano ne Antiok. Me ne Antiok sou viepili e sou a vanunua ma tavivine na viepiluna kinaka, me sou oabi a laulau iedo usino ne sou.

Aposel 18:22

Kuta i vele ontola ne Sisaria, me Pol i asu uata ne Ierusalem, me ei vate oaso doa ana vanunua ma tavivine mina viepiluna kinaka. Me mulimuli ei ilisitase sou me ei asu utano ne Antiok.

1 Korin 12:10

me tasa ei guale a sagagalina mina gunolina gona sinaga. Me tasa ei guale a sagagalina mina malongona inade mine Salemo, me tasa ei guale a muadana mina vivilemulialena matamatana nunu. Me tasa ei guale a muadana mina gunolina inade mina matamatana inade, me tasa ei guale a muadana mina sauvulena inadenade sou odo.

Galesia 2:11

Moni malada Pita ei asu usinani ne Antiok, eau sinoa ane ei na matane ei bilesi, vuna ei goli a inigogona i ma bilesi oto.