2 Timoti 4:4 - Laulau na Vinalu mine Salemo

⁴ Me ne sou lametase a inade patotona, me ne sou beli a tagilane sou usino na matamatana mapamulina sabubu.

2 Timoti 4:4 Referans Kwoze

1 Timoti 1:4

me ne sou litase a mapamulina vineinei ma inadenade mina aisaisa ne tubutubune sou. A matana inade maido ei ma mapigogoi ete ni buloi a pipigona mine Salemo lilo na silimulina, ei mailisi a adesinoana moni.

2 Pita 1:16

Amiteu veiosi le amutou a sagagalina ma veteliuna mine Bibi Taula mine eitou, Iesu Krais. Moni ilala amiteu ade ane amutou a inade mine Krais ieli, amiteu ma ogomuli ete a mapamulina sabubu ei palea maino na damutatalana mine sou a vanunua. Boa. Na matane amiteu oto, amiteu ite a muada buo ma sagagalina mine Salemo i palea ne ei, maidolo me amiteu ade i.

1 Timoti 4:7

Moni oo no lametase a matana inade pagupagu ma mapamulina mamau sou sanii sou ade ie. Oo no matainai e oo oto a inigogona mine Salemo.

Aposel 7:57

Sou longe a inade iedo me sou ngala mamau sele, me sou tabesobe a tagilane sou. Me sou ilisi pilu me sou vele usino me sou saavi e Stiven.

Taitus 1:14

me ne sou ma longotagigigi lou a matamatana mapamulina sabubu ne sou e Iuda me a matamatana binea mine sou a vanua sou lametasetase a inade patotona.

2 Timoti 1:15

Oo muadasi i, sou a vanunua mina avena mine Esia sou iavetasesi e eau, me Pigelus me Hermogenes sulu tamai sulu iavetasesi e eau.

1 Timoti 6:20

Timoti, oo no ulage kube a pipigona Salemo ei bilii e oo me no lametase a matamatana inade maisaba ei ma ogomuli ete a damutatalana mine Salemo. Mo ugu bulago ana vanunua sou damutale ve sou isa a muadana doana, me sou goli a matamatana inade sou butuale a damutatalana mine Salemo.

Hibru 13:25

Dinodo mine Salemo ei ni muina pilu e amutou vuso.

Matiu 13:15

Lilone sou a abuna vanunua ma tavivine do ei sobosi, ma tagilane sou ei bale a nilongena inade, me sou tabesobesi a matane sou, dae a matane sou ei ni ite a golu tasa, ma tagilane sou i ni longe a inade, ma lilone sou ei ni muada a vuna inade, me ne sou sauvule a lilone sou me ne sou veteliuale eau, me eau na toe sou palea kuba lou.’

2 Tesalonaika 2:11

Maido me Salemo ei toemaisabe sele a damutatalana mine sou, ne sou silimuli a inade i auala.