2 Timoti 2:4 - Laulau na Vinalu mine Salemo

⁴ Oo muada a vanua na maubina sou ma lapitole ete a pipigona sea lou. Boa. Sou lapitoletole a pipigona mina maubina moni, vuna bibi ei itealale sou ei kale sou ne sou goligoli a pipigona mina maubina moni.

2 Timoti 2:4 Referans Kwoze

1 Tesalonaika 2:4

Salemo ei tovesi e amiteu, me na masagana minei oto ei bilii e amiteu a pipigona mina malongolongona kubaana, maido me amiteu ma damutale ete namiteu toe mongemonge a vanunua ma tavivine. Boa. Amiteu toe mongemonge e Salemo moni, ei gegemuale a lilone amiteu.

Malongolongona Kubaana mine Iesu Luk ei niage 8:14

Ma vuana vit sanii sou pu balivua na mota oloolo, sou tomane a vanunua sou longe, moni damutatalana mina golugolu na magamaga, ma vatu, ma munongena a golugolu mina magamaga sou avisobe a silimulina mine sou, me sou ma vua kuba oto.

2 Pita 2:20

Mane a vanunua sou muada e Iesu Krais, Bibi Taula mine eitou ma Bibi na gualeliune eitou, ma muadana iedo ei buloi e sou na taulelena inigogona mumugu nani na magamaga, moni mane sou veteliuale lei a matana inigogona iedo, io a maulina mine sou ni mamau sele lou.

2 Timoti 4:10

Longe, Demas ei ilisitasesi e eau. Ei kale mamai sele a inigogona mina magamaga, me ei asu usino ne Tesalonaika. Kresens ei asu usino na avena ne Galesia, me Taitus ei asu usino na avena ne Dalmesia.

2 Korin 5:9

Golu tasa boa mane eitou eili na magamaga ieli ue oata na langi, taliuliu eitou masage a ogomulina inigogona Bibi Taula ei kale,

Galesia 5:1

Krais ei toe eitou palea malamala, ne eitou ma ugu oto matano na binea. Maido me namutou magili sagali, me namutou ma itetasetase lei a vanunua ne sou toe e amutou palea tomane a vanua na pipigona sabubu lou.