2 Korin 1:24 - Laulau na Vinalu mine Salemo

²⁴ Amiteu ma vei oto maido ne amiteu iteale a silimulina mine amutou. Boa. Vuna silimulina ne amutou ei magili sagaliosi. Moni amiteu pipigopigo pilu e amutou mina mapalena munonge mine amutou.

2 Korin 1:24 Referans Kwoze

1 Pita 5:3

Namutou ma toetoe lei tomane a vanunua buobuo me mu taupui e sou a vanunua ma tavivine Salemo ei tau na limane amutou. Boa. Amutou namutou goli a inigogona doana moni, ne sou ite me sou ogomuli.

1 Korin 15:1

Tamtamaigu, eau kale na mailisi a damutatalana mine amutou lou na malongolongona kubaana eau veipale le amutou. Amutou gualesi a malongolongona kubaana iede, me amutou magili sagaligali.

2 Korin 5:7

Seidei eitou silimuli moni e ei me eitou asu, moni eitou saboa to ite ei.

2 Korin 4:5

Longe. Amiteu ma ademuadada oto a inigogona mine amiteu oto. Boa. Amiteu ademuadada maido, “Krais Iesu ei e Bibi Taula mine eitou, me amiteu ogomuli a inade mine Iesu me amiteu tomane a vanua na pipigona mine amutou.”

Laulau Pol ei niage usino ne sou e Rom 11:20

Ivu, sou ma silimuli ete, maido me Salemo ei sagilote sou. Me amutou silimuli, maido me amutou ino doana. Maido me amutou tilale, dae ne amutou toebuebue amutou oto. Kubaana ne amutou lae.

Laulau Pol ei niage usino ne sou e Rom 5:2

Iesu ei pee a vea ne eitou gali ulilo na dinodo mine Salemo, seidei eitou eiliosi na dinodo minei. Me eitou magitalitali e Salemo ni soebule a malasana minei usinani ne eitou, ieli ei toemongemonge e eitou.

Matiu 24:49

me ei soke a valibiline sou a maitamaina pipigona minei mei aaniani mei ininu pilu e sou a vanua na matalililina,

1 Korin 3:5

Amutou damutale kube. Apolos ei e sei? Eau e Pol, eau e sei? Amilu a bibi na pipigona moni. Bibi Taula ei bilii e amilu a pipigona tastasa, me na pipigona mine amilu ieli amutou silimuli e Krais.

Laulau Pol ei niage usino ne sou e Rom 1:12

Damutalatalana minau ei maido. Silimulina mine amutou ni buloi e eau ma silimulina minau ni buloi e amutou tamai, me ieli ei ni masagali a lilone eitou vuso.

2 Korin 11:20

Ivu, amutou itetatase sou so abesuli e amutou, ue sou mapalipali a golugolu vuso mine amutou, ue sou auala ane amutou, ue sou toebuebue sele sou oto, ue sou valigalegale amutou.