1 Korin 14:34 - Laulau na Vinalu mine Salemo

³⁴ Ilala sou viepilu, tavivine ne sou ma adeade lou a inadenade me ne sou vale moni. Sou vuso a viepiluna kinaka sou toe moni maido. Tavivine ne sou muina matano moni, tomane a binea mine Moses ei vei.

1 Korin 14:34 Referans Kwoze

Kolosi 3:18

Amutou tavivine amutou taulai, namutou matano moni ne suasuane amutou. Inigogona ieli ei bilesi na matane Bibi Taula.

1 Korin 14:35

Mane sou kale ne sou muada a vuna inade tasa, io ne sou tagi e suane sou oto na luma mine sou. Mane a tavine ei goli a inade lilo na viepiluna kinaka, iede ei toemaele ei oto.

Taitus 2:5

me ne sou iteale kube a damutatalana mine sou oto, me ne sou ugu maolo na matane Salemo, me ne sou pipigo sagali ana luma ne sou oto, me ne sou matano moni ane suane sou. Me mane sou goli a inigogona sou odo, de vanunua sou ma mapigogoi ete ne sou adegegeli a inade mine Salemo.

1 Korin 11:5

Me mane a tavine tasa ei ma avisobe ete a letena me ei kaka ue ei malongo a inade mine Salemo, ei tamai ei toemaele a letene ei. Ei tomane moni a tavine ei oove a aivuna vuso.

1 Korin 11:3

Moni eau kale ne amutou muada tamai maido, letena vanua vuso ei e Krais, ma bibi ei a letena tavine, ma letene Krais e Salemo.

Epesus 5:33

Moni a inade li ei ade tamai e amutou vanua tastasa mu taulai ne amutou kale sele susune amutou, tomane amutou kale e amutou oto. Ma tavivine mu taulai namutou tade sele suasuane amutou.

1 Korin 14:21

Na binea mine Salemo sou niage a inade maido, “Bibi Taula ei ade maido, ‘Eau na bilii a inade usino ne sou na asene sou a vanua sea ma inade sea. Moni ne sou ma kale ete a nilongena inadegu.’”

1 Korin 11:13

Amutou oto mu vivilemuliale a inade ie. Mane a tavine ei ma avisobe ete a letena me ei kake Salemo, ieli nane a inigogona doana, io?