1 Ioanes 1:10 - Laulau na Vinalu mine Salemo

¹⁰ Mane eitou vei, “Eitou ma goli ete a sinusu,” de na inade li eitou vei ve Salemo ei a bibi na niioto. Maido ma inade mine Salemo i ma muina oto na lilone eitou.

1 Ioanes 1:10 Referans Kwoze

1 Ioanes 1:8

Mane eitou vei ve, “Eitou ma isa oto a sinusu,” de eitou auala ane eitou oto, ma inade patotona ei ma lilo oto ne eitou.

1 Ioanes 5:10

Bibi ei silimuli e Natune Salemo, inade mine Salemo ino na lilone ei. Moni a bibi ei ma silimuli ete a inade mine Salemo, ei veivei ve Salemo ei a bibi na aualana. Vuna ei ma silimuli ete a inade mine Salemo i malongo a inigogone Natuna.

1 Ioanes 2:4

Mane sei bibi i vei, “Eau muada e Salemo,” moni ei ma ogomuli ete a binea mine Salemo, io bibi iedo ei a bibi na niioto, ma inade patotona ei ma ino oto na lilone ei.

2 Ioanes 1:2

Inade ivu ei eili ne eitou, me ei ni muina ne eitou taliuliu taliuliu, maido me amiteu kale sele amutou.

1 Ioanes 2:14

Amutou selebanini, eau niage a inade li usino ne amutou, vuna amutou muadasi e Tamane eitou. Amutou tamatamana, eau niage a inade li usino ne amutou, vuna amutou muadasi a bibi ie ei eili lisa otosi mei mapigogoi seidei. Amutou vanunua alalaba, eau niage a inade li usino ne amutou, vuna amutou isa a sagagalina, ma inade mine Salemo ei vonu sele ne amutou, me amutou vululusi e Satan.

Kolosi 3:16

Namutou toe a inade mine Krais ni vonu lilo ne amutou. Amutou tastasa ne amutou matetengi e sou a kristen sea, me mu biliilii a damutatalana kuba ma muadana usino ne sou, ne sou goli a inigogona doana moni. Namutou toledadangi e Salemo na lilone amutou, ne amutou ale ane Salemo a inalanala mina Laulau na Inala, me sou a inala mina kinaka, ma inala a Maolona Nunu ei mapale na lilone amutou.

1 Ioanes 4:4

Amutou natatugu, amutou mine Salemo, me amutou soetolesi sou a aualana profet, a vuna, Nunu ei ino na lilone amutou ei vululusi a nunu mina magamaga ie.

Ioanes 3:33

Sei ei longemuli mei somitole a inade minei, ei maite maido, “Salemo ei moliana sele.”