17 Bampaangi, beenee bakwesombosolo me, talee bakwedyaatila mu kifwaani ki luri mu kumono mu beetu.
Mamo ma luri lwayika, ma luri lwataambula, ma luri lwayuka, na ma luri lwamono kuri me, salilee mo; tumi Nzaambi ya kiyeengi kaba na beenu.
Ngo me nyilusyaamisa mu kuba basoombisiri ba me.
kari mu kuba bunu bamfumu, ha yulu babo balukwetwaalisa ko, ngo mu kuba kifwaani kyakibwete kuri mpuumbu.
Kari bukuri ti beetu twaba twahele na miswa ko, ngo beetu twaba tutiiri kulusoongo mu beetu-meene kifwaani kyayelemene kunama.
Tsiminee babo bakwelutwaalisa, bo baluyaabisa maampu ma Nzaambi. Monee bwaba nsukulu kidziingu kya bo, na namee kifwaani kya kanyi dya bo.
Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.
Beenu-meene luyaari bunu bwa kusombosolo beetu. Bukuri beetu twasii kunatina kidziingu kunsa kisaangila ha kakati dya beenu ko.
Yaa lwebumisa baatu makya ko, ti Bayudayo, ti Bahelene, ti dibuundu dya Nzaambi,
Mbuti kuri muutu wahele kutambikila ma turi mu kuleele beetu mu mukaanda wu, lo kebee dyo mu kuhele kubweese kuba kintwaari na wa bubwo, mpisi kamono nsoni.
Na beenu lwayeki minsombisiri mya beetu na mya Mfumu, bu lwataamburi Maampu kunsa mpasi dzalaka, mu kiminu kya Mpeeve Yangisi.
Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;
Beenee minsombisiri mya me, bunu bu nyikwesombosolo me se Kiristo.