Mukaanda kuri bari Filipo 3:1 - Musamu Wamubwete 2013

¹ Mu misiiri ngo miri, bampaangi baami, monee kiminu mu Mfumu. Me nyahele kuholo-bito mu kulutinina misamu myomimosi mimyo, miha nsiitu kuri beenu.

Mukaanda kuri bari Filipo 3:1 Referans Kwoze

Mukaanda kuri bari Filipo 4:4

Monee kiminu mu Mfumu mu mpisi ntaangu; me nyibweese kuleele, monee kiminu.

Mukaanda kuri bari Loma 5:11

Kari mu mini mimyo kitsu ko, ngo beetu twasa kimweese kyeetu mu Nzaambi, mu nkuumbu ya Mfumu yeetu Yesu Kiristo, mu nde turi twataambula nyukusunu lumalu.

Mukaanda wa Yakobo 1:2

Bampaangi baami, lubaanaa lukotiri mu nsindukulu dza bitsuumbu-bitsuumbu, lo monee kiminu kyalaka,

1 Pet 4:13

Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

1 Tes 5:16

Beeneenu na kiminu mpisi ntaangu.

Mukaanda kuri bari Filipo 4:8

Mu misiiri ngo miri bampaangi, myominso miri myangwanwa, myominso myalukiinsu, myominso myasuunguma, myominso myatsyeemeke, myominso mi batiiri, myominso myamibwe mu kuleele, na mbuti kuri manzelu mamabwete, na myayelemene kusiika, lo tsiminee myominso mimyo.

1 Pet 3:8

Ha mambisa haho, yukusunee beenu-banso, kabusinee mpasi, tyeenee bampaangi, beenee bangaa-ngebe, beene bakuluka,

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

2 Pet 3:1

Banduku ba mutima, wumawu ngo mukaanda wamyoolo, me nyiri mu kulutinina. Mu myo myoolo, me nyilubaambula mwooyo, mpisi nyilusyaamisa mu mitariri madyeele ma bukensekelee mari mu beenu,

Mukaanda kuri bari Efeso 6:10

Mu misiiri ngo miri, yendee lwebakila makwa mu Mfumu, mu makwa ma mpinu dzaandi.

Musamu wamubwete watina Luka 1:47

na mutima waami waluula mu kiminu mu ntoono Nzaambi, mubvuukisi waami;

Mukaanda kuri bari Filipo 3:3

Mukwongo, bateende bubakala ngo beetuneenu, tusaambilaa mu Mpeeve ya Nzaambi, tumonaa kimweese mu Kiristo Yesu, na tuhelaa kusiila nsiitu mu muswinyi,

Musamu wamubwete watina Matayi 5:12

Monee kiminu na keembeenu kweenu, bukuri museendu weenu wuri wamunene mu mayulu; mukwongo, bunubwo se bakwaamisini babikiri batekisiri na beenu.»

1 Tes 4:1

Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.