Mukaanda kuri bari Filipo 2:26 - Musamu Wamubwete 2013

²⁶ bukuri nde wuri na nzala beenu yalaka, na wuri mu kubamaa, bukuri beenu lwayukiri ti nde wabee wabeele.

Mukaanda kuri bari Filipo 2:26 Referans Kwoze

Mukaanda kuri bari Filipo 1:8

Mukwongo, Nzaambi mbaangi yaami, me nyilutiiri beenu-banso kwalaka mu lusaambu lwa Kiristo Yesu.

Mukaanda kuri bari Efeso 3:13

Hango, me nyiloombo ti yaa luholo-bito ko, mu ntoono mpasi dzaami, dzi nyiri mu kwemono me mu beenu; mpasi dzidzo ngo nkeembu yeenu.

Mukaanda kuri bari Loma 12:15

Monee kiminu na babo bari mu kiminu, dilee na babo bari mu kudila.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

Mukaanda kuri bari Loma 9:2

ti me nyiri na ngebe dzalaka, na nyiri mu kwebama kunsa mutima waami mpisi ntaangu.

Musamu wamubwete watina Matayi 26:37

Bu kaholo Petelo na baala bo boolo ba Dzebedayi, wabaandika kumono ngebe na kubwilikila kinkuuka.

Musamu wamubwete watina Matayi 11:28

«Waseenu kuri me, beenu-banso, bari na mpasi na bari na bilemu, na me sa nyaluha mpuumunu.

1 Pet 1:6

Mu didyo, beenu luri mu kiminu, ti hayuku mu lumalu, beenu luyelemini kubama mu mwaa-ntaangu yantele, mu ntoono nsindukulu dza bitsuumbu-bitsuumbu,

Mukaanda kuri bari Filipo 1:3

Me nyibvutulaa matoondo kuri Nzaambi yaami, mu mpisi ntaangu yi nyibambukilaa beenu mwooyo.

Mukaanda kuri bari Ngalatya 6:2

Yendeenu lwenatisina binati beenu na beenu, mu bubwo, beenu lukukisa Mangisi ma Kiristo.

2 Kol 9:14

Mu nsaambulu dza bo mu beenu, bo sa basoongo musoongo walaka wu bari na nde, mu ntoono bweese bwa mansaalisi bwaluha Nzaambi.

1 Kol 12:26

Mu didyo, kinamu kimosi kibaanaa kimono mpasi, lo binamu byobinso bimono mpasi; na kinamu kimosi kibaanaa kyakeembusu, lo binamu byobinso bimono kiminu.

Mukaanda kuri bari Loma 1:11

Bukuri nyiri na musoongo walaka wa kulumono, mpisi heki nyilutubukila kikabu kyakimpeeve, mpisi luba bakumusu.

Biyiriki bya Bantumu 21:13

Haho, Pawulo wabvutula ti: "Nki luri mu kusa mu kudiila na mu kutabula me mutima? Me nyayirima, kari mu kunu kuri ti bankaanga bikonyi ko, ngo na mu kufwa ku Yerusalemi mu nkuumbu ya Mfumu Yesu."

Mukaanda kuri bari Filipo 2:25

Ngo me nyamwii ti diri mufunu, mu kubvutula Epaforodito kuri beenu, mpaangi na mbaasi yaami ya kisalu na ya binwaanunu, ntumu yi lwampeekiri mu kumbakisa,

Mukaanda kuri bari Filipo 2:27

Mukwongo, nde wabee wabeele, na ha ntele hasiiri nkani wafwiiri, ngo kasi Nzaambi wamubakiri ngebe, kari wunu nde ko, ngo na me se, mpisi heki me mpele kuba na kyaari ha yulu kyaari.