Mukaanda kuri bari Filipo 2:21 - Musamu Wamubwete 2013

²¹ Bobanso kwenama misamu mini mya bo-meene, nkani ka mya Yesu Kiristo ko.

Mukaanda kuri bari Filipo 2:21 Referans Kwoze

1 Kol 10:24

Muutu yaa kesaka ndaandu yini ya nde-meene ko, ngo kesaka se ya mukimi.

Musamu wamubwete watina Matayi 16:24

Hanaho, Yesu waleele kuri bayiki baandi ti: «Mbuti muutu tiiri kunama me ha mambisa, lo hemese katuna nyutu ya nde-meene, kanata kuruwa dyaandi na kanama me.

Mukaanda kuri bari Filipo 2:4

Mpisi muutu mu beenu yaa kasaka ndaandu yini ya nde-meene ko, ngo kasaka se ndaandu ya bambaasi.

2 Tim 3:2

Mukwongo, baatu sa baba na kifu, batiiri mboongo, bangaa-nzala-kubila, bangaa-masiiku, bangaa-saana, bari na nko kuri bataayi na banguri, bari batoonda ko, bahele kubvumina bya Nzaambi,

1 Kol 10:33

ngo beenee bunu me, wuri mu myominso, nyisakaa kubweeye kuri bobanso. Me nyahele kusaka ndaandu ya wunu me-meene kitsu, ngo ndaandu ya balaka, mpisi baba babvuukusu.

1 Kol 13:5

yayirikaa dya nsoni ko, yasakaa ndaandu ya nde-meene ko, yabakaa nkesi ko, yakebaa makooti ko,

Musamu wamubwete watina Luka 14:26

«Mbuti muutu wukwiisa kuri me, ngo wahele kubele taayi dyaandi, nguri, mukasi, baala, bampaangi na bibusi na kidziingu kya nde-meene, lo kari mbeele muyiki me ko.

2 Tim 4:10

Mukwongo, Dema wanyekele, mu lumalu nde weki kutya kwaandi misamu mya ntaangu yimayi, na wayensi ku Tesalonika; Kereseke ngo wuri wayensi ku Ngalatya, na Tito ku Dalamatya.

2 Kol 1:5

Mukwongo, bunu bufununa mpasi dza Kiristo mu beetu, bunubwo se bufununa mboondulu yeetu mu Kiristo.

2 Tim 4:16

Ha nyaba nwaanikina me buungu dyaami mu lwatete, kuri muutu ti mosi ko wambakisiri, ngo bobanso banyekiri. Ngo yaa babaka mafuumbu mu mimyo ko.

Biyiriki bya Bantumu 15:38

Kasi Pawulo waba wahele kutya kubweese kuholo muutu wunde wabayekiri ku Pamfilya, na wuri kasii kuba kintwaari na bo mu kisalu ko.

Biyiriki bya Bantumu 13:13

Bu bayende ku Pafo, Pawulo na banduku baandi batubuka ku Perenge, dya ku Pamfilya, Yowane bu kabasisa, wabvutuka ku Yerusalemi

2 Tim 1:15

Ye yaari dimadi ti bobanso bari ku Asya banyekele; mu bo kuri Fingelo na Eremongene.