Nyabusulu ya Yowane 8:5 - Musamu Wamubwete 2013

⁵ Mbasi yaholo kiyokolo kya mananaasi, waluulusa kyo mu mbaawu dziku, na watubu kyo ha butoto; manzasi, mambeembu, manseremi na ningununu butoto byasalama.

Nyabusulu ya Yowane 8:5 Referans Kwoze

Nyabusulu ya Yowane 11:19

Nzo-nzaambi yadzibuma ku yulu, sanduku dya lulelusunu lwaandi dyamonoko, mu Nzo-nzaambi yaandi; manseremi, mambeembu, manzasi, ningununu butoto na mvula ya midiingi ya makwa byasalama.

Nyabusulu ya Yowane 4:5

Mu mboloko mwaba palaana manseremi, mambeembu, na manzasi. Ha mankula ma mboloko, miinda nsaamu myaba lulukaana mu mbaawu, mamo ngo mampeeve nsaamu ma Nzaambi.

Biyiriki bya Bantumu 16:26

Hanaho, na sisuu butoto bwateembele mu makwa, kuri lufulu lwa nzo boroko lwawa kutsyaamuka, ha nsi na nsi bidzibuku byobinso byawa kudzibuma na bikonyi bya maboroko byobinso byawa kunyanguka.

Nyabusulu ya Yowane 11:13

Mu kilookolo kinikyo, butoto bwaningina mu makwa, na kibari kimosi mu bibari kuumi bya bvula kyabwa, na mafuunda nsaamu ma baatu mafwa mu ningununu butoto yiyo. Babo babvuukiri babaka boomo bwalaka, na baha nkeembu kuri Nzaambi ya ku yulu.

Nyabusulu ya Yowane 6:12

Ha kaba dzibula kinyemu kyabisaamunu, me nyamono, butoto bwaningina mu makwa; ntaangu yaba yeki yapiinda bunu nsaanda yapiipi; na ngoondo yoyinso yaba yeki bunu makila.

Biyiriki bya Bantumu 4:31

Bu baba mu kusaambila, kibeendu ki baba bakutukina kyatembele, na bo baluula mu Mpeeve Yangisi, na babeke kweyikisaa maampu ma Nzaambi mu nsiitu.

Musamu wamubwete watina Luka 12:49

«Me nyayisiri mu kutuba mbaawu ha butoto, na me ntiiri nkani yeki yanamusu.

Musamu wamubwete watina Matayi 24:7

Mukwongo, mansi na mansi sa manwaana, na bimfumu na bimfumu sa byanwaana; sa kwaba nzala, na butoto sa yatembele mu mampele malaka;

Nyabusulu ya Yowane 8:3

Mbasi yikimi yayisa na yateleme ha dziku, na yaba yakwaata kiyokolo kya mananaasi kyawoolo. Nde bamuyakisa mananaasi malaka, mpisi heki kaha mo mu kikabu, na nsaambulu dza bobanso bangisi, ha yulu dziku dyawoolo, diri ha busu bwa mboloko.