Nyabusulu ya Yowane 7:11 - Musamu Wamubwete 2013

¹¹ Bambasi bobanso baba badyengekele mboloko, binuni na bibulu byobina; bo bayilimisa mabusu maaku ha nsi, na basaambila Nzaambi,

Nyabusulu ya Yowane 7:11 Referans Kwoze

Nyabusulu ya Yowane 4:10

lo makuumi mana ma binuni, bayilimini ha busu bwa wunde, wadzakala ha yulu mboloko, basaambiri wunde wuri mwooyo mu bibvu ngo bibvu, na batubiri nkoongolo dza bo ha mankula ma mboloko, na baleeriri ti:

Nyabusulu ya Yowane 4:6

Ha mankula ma mboloko, kwaba mubu waba semaana bunu lumweenye, luri lo, biri mpele na mpele bimonokono. Ha kakati dya mboloko, na mu teteke, mwaba bibulu bina byaluula mu miisu ku mankula na ku mambisa.

Nyabusulu ya Yowane 11:16

Makuumi moolo na mana ma binuni badzakala ha busu bwa Nzaambi, ha yulu mamboloko maaku, bayilimisa mabusu maaku na basaambila Nzaambi,

Nyabusulu ya Yowane 4:4

Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.

Mukaanda kuri Bahebeleho 1:6

Na mu ntaangu yi kabweese kusuusa Mwaana watete mu nsi, nde waleele ti: «Bambasi ba Nzaambi bobanso bamutsukumina.»

Musamu wamubwete watina Yowane 5:23

mpisi heki bobanso bakiinsa Mwaana bunu bu bakiinsa Taayi. Wunde wahele kukiinsa Mwaana, lo wahele kukiinsa se Taayi dyamuheeke.»

Musamu wamubwete watina Matayi 4:10

Hanaho Yesu waleele kuri nde ti: «Yisika, Satana! Bukuri diri dyatinu ti: "Mfumu Nzaambi yaaku ye yelemini kutsukumina, na nde kitsu yelemini kusaambila."»

Nyabusulu ya Yowane 22:9

Nde waleele kuri me ti: «Mono, yaa sa bubwo koono; me mbasi yaaku ya kisalu, na ya bampaangi baaku babikiri, babo bakebaa maampu ma mukaanda wumawu. Nzaambi ye yelemini kusaambila.»

Nyabusulu ya Yowane 15:4

Mfumu, na wunde wuhele kubvumina ye, wuhele kudumusa nkuumbu yaaku? Bukuri ye kitsu wuri wangisi, makaanda momanso sa miisa ha busu bwaaku na sa makusaambila, bukuri nsundusulu dzaaku dzimwaamonoko.»

Nyabusulu ya Yowane 4:8

Mpisi kibulu mu byobina, kyaba na mapaapu masaamunu, maluula mu miisu mpele na mpele. Butsuku na mwiini byo biri mu kuleelaana kwahele kuwuuma ti: «Wangisi, Wangisi, Wangisi, Mfumu Nzaambi, Mwa-mpuungu, waba, wuri na wukwiisa.»