Nyabusulu ya Yowane 5:9 - Musamu Wamubwete 2013

⁹ Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.

Nyabusulu ya Yowane 5:9 Referans Kwoze

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

Musamu wamubwete watina Matayi 26:28

Bukuri mamama ngo makila maami, ma lulelusunu matsaamuka mu balaka, mu ntoono mpemusunu ya masumu.

Nyabusulu ya Yowane 14:6

Me nyamono mbasi yikimi yaba yooko ku nkati yulu, yaba na Musamu Wamubwete wahele manunu, mu kuyaabisa baatu badzakala ha butoto, mansi momanso, bitsuumbu byobinso, mandiinga momanso na baatu bobanso,

1 Kol 6:20

Mukwongo, beenu bayeki balukuula mu ntalu yayinene. Ngo keembeseenu Nzaambi mu nyutu yeenu.

Nyabusulu ya Yowane 5:12

baba bikisa mu mbeembu yayinene ti: «Mwaana kimeeme wu bari bakeke wayelemene mu kutaambula mpinu, busina, madyeele na makwa, lukiinsu, nkeembu na ndumusu.»

Nyabusulu ya Yowane 4:11

«Ye Mfumu na Nzaambi yeetu, wayelemene mu kutaambula nkeembu, lukiinsu na mpinu, bukuri ye wayirika bitotolo byobinso, na mu kutya kwa ye, byo byaba, na biri byayiriku.»

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Nyabusulu ya Yowane 5:6

Me nyamono Mwaana kimeeme, wuri bunu wu bari bakeke, wateleme ha kakati dya mboloko, ha kakati dya bibulu bina, na ha kakati dya binuni. Nde waba na mampoko nsaamu, na miisu nsaamu, mamo mampeeve nsaamu ma Nzaambi, ma kari kaheeke mu nsi yansiina.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

2 Pet 2:1

Kwaba babikiri bampya kunsa baatu, bunubwo se, sa kwaba bayikisi bampya, ha kakati dya beenu. Bo sa bakotoso mu madyeele nyikusulu dza nzimbusulu, na sa batuna Mfumu yabakuula, bo sa basakisa mfukusulu ya bo-meene na sisuu.

Mukaanda kuri bari Kolosayi 1:14

Mu nde, beetu turi na nkuululu na mpemisi ya masumu.

Mukaanda kuri bari Efeso 1:7

Mu nde, beetu turi na nkuululu mu makila maandi, na mpemusunu ya lumvuki, bunu buri busina bwa bweese bwaandi,

1 Yow 2:2

Nde ngo kikori mu ntoono masumu meetu, kari munu mu masumu ma beetu ko, ngo se mu masumu ma nsi yansiina.

1 Kol 7:23

Nzaambi walusuumbiri mu ntalu yalaka, ngo yaa lukituka bankutu ba baatu ko.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 11:9

Baatu ba mpisi kaanda, kitsuumbu, ndiinga na nsi, sa bamono bamvuumbi ba bo, mu biluumbu bitatu na ndaambu, na bataambula ko ti, badziika bamvuumbi ba bo ku mampeembe.

Mukaanda kuri Bahebeleho 11:14

Mu nzoonsulu dza bubwo, bo baba soongaa ti bakwesaka nsi.

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Mukaanda kuri bari Efeso 5:19

Syamisineenu beenu na beenu mu mikuunga mya nkeembu, mu mikuunga mya mbambukulu mwooyo, na mikuunga mya kimpeeve, yimbileenu na siikeenu Mfumu mu mutima weenu ndemunso.

Nyabusulu ya Yowane 10:11

Baleele kuri me ti: «Ye yelemini kubikula lukimi mu baatu, mu makaanda, mu mandiinga na mu bambyaasi balaka.»

Nyabusulu ya Yowane 13:7

Bakiha miswa mu kunwaanisa bangisi na mu kuluuluka mu bo, bamuha lutumu ha yulu bitsuumbu byobinso, baatu bobanso, mandiinga momanso na makaanda momanso.

Nyabusulu ya Yowane 15:3

Baba yimbilaana mukuunga Moose, kisari kya Nzaambi, na mukuunga Mwaana kimeeme wuleele ti: «Mfumu Nzaambi Mwa-mpuungu, biyiriki byaaku byabinene, na bya nkimukunu! Mbyaasi ya makaanda, manzila maaku masuunguma na mari mangwanwa!

Nyabusulu ya Yowane 17:15

Mbasi yaleele kuri me ti: «Maampa ma wuri wamoono, madzakikila kiyala kya mukyeetu, ngo baatu, mampuumbu, makaanda na mandiinga.