Nyabusulu ya Yowane 2:12 - Musamu Wamubwete 2013

¹² Tina kuri mbasi ya dibuundu dya Peregamo: «Wakwaata mbeesi yayila, yasekusu mu bibari byobyoolo, bu kari mu kuleele:

Nyabusulu ya Yowane 2:12 Referans Kwoze

Nyabusulu ya Yowane 2:16

Hango nkuumbu, yiinga dyeele; mbuti ka bubwo ko, lo me sa nyiisa mu mawasu kuri ye, na sa nyibanwaanisa mu mbeesi yayila ya munwa waami.»

Nyabusulu ya Yowane 1:16

Na wakwaata mu kooko kwaandi kwa lubakala bambwetete nsaamu, na mu munwa waandi mwaapala mbeesi yayila ya mabusu moolo, yasekusu kibari na kibari, na busu bwaandi, bunu ntaangu yiseme mu mpinu dzaandi.

Mukaanda kuri Bahebeleho 4:12

Mukwongo, maampu ma Nzaambi mari mwooyo, mari na mpinu, mabvuriri kutwa ti na mpisi saabala dya mabusu moolo, dipaakaa natee haambiri kiluunsi na muheebulu, biyikulu na muluku. Mafyongokinaa, ma kwetsuna muutu, na bitsimi bya mutima.

Nyabusulu ya Yowane 19:21

Babo basiiri, babadzusa mu mbeesi yayila, yaba pala mu munwa wa wunde waba wadzakala ha yulu kavaalu, na banoni bobanso bayukuta mu miswinyi mya bo.

Nyabusulu ya Yowane 19:15

Mu munwa waandi mwapala mbeesi yayila yasekusu, mpisi heki kaseembe makaanda mu yo. Sa kamatwaalisa mu luboto lwa kiseengu, na nde-meene sa katsyaamuna kisa kya malu ma kabala dya nkesi dza Nzaambi, Mwa-mpuungu.

Nyabusulu ya Yowane 1:11

yaleele ti: «Mamo ma wuri mu kumono, tina mo munsa mukaanda, na heeke nde ku mabuundu mo nsaamu: ku Efeso, ku Semirana, ku Peregamo, ku Tyatira, ku Saredeyi, ku Filadelefya, na ku Lahodikya.»

Nyabusulu ya Yowane 2:1

Tina kuri mbasi ya dibuundu dya Efeso: «Wakwaata bambwetete nsaamu mu kooko kwaandi kwa lubakala, wuri mu kweyende hansa bitetukulu nsaamu bya miinda byawoolo, mimami kari mu kuleele: