Nyabusulu ya Yowane 15:3 - Musamu Wamubwete 2013

³ Baba yimbilaana mukuunga Moose, kisari kya Nzaambi, na mukuunga Mwaana kimeeme wuleele ti: «Mfumu Nzaambi Mwa-mpuungu, biyiriki byaaku byabinene, na bya nkimukunu! Mbyaasi ya makaanda, manzila maaku masuunguma na mari mangwanwa!

Nyabusulu ya Yowane 15:3 Referans Kwoze

Mukaanda kuri Bahebeleho 3:5

Moose waba wakwiikama mu nzo yaandi yoyinso, bunu kisari mu kuta kimbaangi mu misamu mi baketi kuleele.

Musamu wamubwete watina Yowane 1:17

mukwongo bukuri mangisi mayisikila mu Moose, bweese na ngwanwa byayisikila mu Yesu Kiristo.

Nyabusulu ya Yowane 19:2

Nsundusulu dzaandi dziri dzangwanwa na dzasuunguma; bukuri nde watsuundisiri kiyala kya mukyeetu kyakinene, kyabee kweebiiyisa butoto mu buyala bwaandi, na wabvutiri kitete kuri kiyala kikyo, mu ntoono makila ma bisari byaandi.»

Nyabusulu ya Yowane 14:3

Mafuunda ma baatu babo, baba yimbilaa mukuunga wamoono ha busu bwa mboloko, ha busu bwa bibulu bina na bwa binuni; kuri muutu ti mosi waba wakuka mu kuyika mukuunga wunde, mbuti ka bari mu nkama makuumi mana ma mafuunda ko, baba kuuriri ha butoto.

Nyabusulu ya Yowane 17:14

Bo sa basa mudziingu kuri Mwaana kimeeme; na Mwaana kimeeme sa kababwiisa, bukuri nde wuri Mfumu ya bamfumu, Mbyaasi ya bambyaasi. Nde sa kababwiisa mu kintwaari na ba kari kateele mbila, ba kari kasoolo na bakwiikama mu nde.»

Nyabusulu ya Yowane 11:17

baleele ti: «Mfumu, beetu tubvutula matoondo kuri ye, Mfumu Nzaambi, Mwa-mpuungu, wuri na waba, bukuri ye wasariri mpinu dzaaku dzadzinene, na ye wadzakisa kimfumu kyaaku.

Nyabusulu ya Yowane 4:8

Mpisi kibulu mu byobina, kyaba na mapaapu masaamunu, maluula mu miisu mpele na mpele. Butsuku na mwiini byo biri mu kuleelaana kwahele kuwuuma ti: «Wangisi, Wangisi, Wangisi, Mfumu Nzaambi, Mwa-mpuungu, waba, wuri na wukwiisa.»

Nyabusulu ya Yowane 19:16

Mu kiyuungu na mu kito kyaandi mwatina nkuumbu ti: «Mbyaasi ya bambyaasi, Mfumu ya bamfumu».

Nyabusulu ya Yowane 14:8

Mbasi yaboolo yanama yatete yaba kweleele ti: «Dibwiiri, dibwiiri, bvula dya Babiloni dyadinene!» Dyo dyanwiisa mansi Momanso malu ma nkesi dza buyala bwaandi.

1 Tim 1:17

Kuri Mbyaasi ya mantaangu momanso, yiri kafwaana ko, bamumonaa ko, Nzaambi yomosi kitsu, kuba lukiinsu na nkeembu mu bibvu ngo bibvu, Amene.

Nyabusulu ya Yowane 1:8

«Me ngo Alafa na Omenga», buleeriri Mfumu Nzaambi, wuri, waba, na wuri mu kwiisa, Mwa-mbete.