Nyabusulu ya Yowane 13:1 - Musamu Wamubwete 2013

¹ Me nyamono kibulu kitoomboko mu mubu, kyaba na mampoko kuumi na mitu nsaamu, mu yulu mampoko maandi mo kuumi, mwaba mampu kuumi ma lutumu, na ha yulu mpisi mutu waandi kwaba mankuumbu ma nsaanunu.

Nyabusulu ya Yowane 13:1 Referans Kwoze

Nyabusulu ya Yowane 12:3

Kidiimbu kikimi kyamonoko ku yulu: mono, maŋataŋo mamanene, mabeenge bunu mbaawu, mari na mitu nsaamu na mampoko kuumi, na mu yulu mitu myaandi, muri mampu nsaamu ma lutumu.

Nyabusulu ya Yowane 17:3

Mbasi yanata me mu kimpeeve ku nsi yankatu. Me nyamono mukyeetu mosi wadzakala ha yulu kibulu kyabeenge, kyaluula mu mankuumbu ma nsaanunu, kyaba na mitu nsaamu na mampoko kuumi.

Nyabusulu ya Yowane 11:7

Mu ntaangu yi bamana kuta kimbaangi kya bo, kibulu kitoomboko mu lubila, sa kaba bwisikila mudziingu, sa kababwiisa na kabadzusa.

Nyabusulu ya Yowane 17:16

Mampoko kuumi ma wuri wamoono na kibulu, sa babele kiyala kya mukyeetu, sa bahosono byobinso bi kari na byo, sa bamusa kimpene, sa badya miswinyi myaandi, na sa bamuyoko ku mbaawu.

Nyabusulu ya Yowane 15:2

Me nyamono bunu ti mubu wasaanga na mbaawu, wuri mu kuseme bunu lumweenye, babo baluulukiri mu kibulu, mu kiteki kyaandi na mu lutaangu lwa nkuumbu yaandi, baba bateleme ha yulu mubu wuri mu kuseme bunu lumweenye, bari na mangoomfi ma Nzaambi.

Nyabusulu ya Yowane 17:5

Ha mbuunsu yaandi haba hatina nkuumbu mosi ya nsweeki: «Babiloni dyadinene, nguri biyala na mya nsoni mya ha butoto.»

Nyabusulu ya Yowane 13:11

Me nyamono kibulu kikimi kyaba pala mu butoto, kyo kyaba na mampoko moolo mari bunu ma mwaana kimeeme, kyaba kwedzoonso bunu maŋataŋo.

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 13:15

Baha kibulu kyabyoolo kikyo miswa, mu kuha muwuumunu kuri kiteki kya kifwaani kya kibulu kyatete, mpisi kiteki kikyo kidzoonso, na kisa kuri ti badzusa bobanso bari basii saambila kiteki kya kifwaani kya kibulu ko.

Nyabusulu ya Yowane 16:13

Me nyamono mampeeve matatu masumuka, mari bunu madzuundu, mapala mu munwa maŋataŋo, mu munwa kibulu, na mu munwa babikiri bampya.

Nyabusulu ya Yowane 19:19

Me nyamono kibulu, bambyaasi ba butoto na mikaangu myaaku mya bayongolo, bakutukuna mu kunwaanisa wunde waba wadzakala ha yulu kavaalu, na mukaangu bayongolo waandi.